SON DƏQİQƏ

Yaz aylarında yeni, qış aylarında isə qurudulmuş şəkildə bazara təqdim edilən moruq insan sağlamlığı baxımından olduqca faydalı bir meyvədir.

EMTV.az yerli mətbuata istinadən xəbər verir ki, moruqda həmçinin insan sağlamlığı üçün faydalı olan A, PP, E, B qrupu vitaminləri, kalium, kalsium, fosfor, mis, maqnezium, dəmir, selen kimi minerallar, efir yağları və s. var.

Moruq müxtəlif turşularla (salisil, alma, limon turşusu) zəngindir.

Onun tərkibində antosian maddəsi var ki, bu maddə damar və kapilyarları möhkəmləndirir, onların elastikliyini artırır. Moruq həmçinin soyuqdəymə xəstəlikləri zamanı müalicəvi təsirə malikdir. Belə ki, o, hərarəti salır, xəstəliyin simptomlarını azaldır, tərlədir, immuniteti möhkəmləndirir. Məhz bu səbəbdən moruğu "təbii aspirin" adlandırmaq olar.

EMTV.az