SON DƏQİQƏ

Türkiyənin Marmaris şəhərində polisin otellərdən birində keçirdiyi əməliyyat zamanı aralarında rus, gürcü və 3 azərbaycanlı qadının da olduğu 5 nəfər saxlanılıb.

Türkiyə mediasında yayılan məlumata görə, Elgin Bulvarda yerləşən üçulduzlu oteldə fahişəliyin edilməsi ilə bağlı gələn xəbərlər üzərinə hərəkətə keçən polis gecə saatlarında əməliyyat keçirib. Oteldə fahişəlik edən Gürcüstan əsilli T.G. (38 yaş) və Rusiya əsilli G.A. (34 yaş) ilə birlikdə A.Ç. (40 yaş), D.İ. (45 yaş) və “Nurdan” ləqəbli azərbaycanlı N.R (46 yaş) saxlanılıb. Əldə edilən məlumatlara görə, Nurdan ləqəbli azərbaycanlı qadın fahişəliyin fəaliyyətində vasitəçilik edən olub.

Saxlanılanlardan G.A. polisə verdiyi ifadəsində N.R.-in ona zorla fahişəlik etdirdiyini iddia edib. Gürcüstan əsilli T.G. isə turizim məqsədi ilə Marmarisə gəldiyini, könüllü olaraq kişilərlə cinsi münasibətdə olduğunu söyləyib.

Əcnəbi qadınlarla birlikdə olan və ailəli olan azərbaycanlı A.Ç. və D.İ. ifadə verdikdən sonra onlara 250 lirə pul cəzası kəsilərək sərbəst buraxılıblar.

Türkiyə polisi fahişəlik edən əcnəbi iki qadının deportasiya edilməsi üçün fəaliyyətə keçib.

Lakin “Fahişəliyə vasitəçilik etmək və məcburi fahişəlik etdirmək”lə nəzarət altına alınan 46 yaşlı azərbaycanlı N.R. (Nurdan) onun haqqında qaldırılan iddiaları qəbul etməyib.