SON DƏQİQƏ

2017-ci ilin yanvar-may aylarında Bakı şəhərinin iqtisadi və sosial sahələrinin inkişafı üçün bütün maliyyə mənbələrindən əsas kapitala 5 mlrd. 298,1 mln. manat və ya əvvəlki ilin müvafiq dövrü ilə müqayisədə 0,6% az vəsait yönəldilib.

Emtv.az-ın məlumatına görə, Bakı Şəhər Statistika İdarəsindən apa-ya verilən məlumata görə, ümumi sərmayənin 30,9%-i dövlət, 69,1%-i qeyri-dövlət sektorunun sərmayədarlarının payına düşüb. Əsas kapitala yönəldilmiş vəsaitlərin 71,7%-i tikinti-quraşdırma işlərinə sərf edilib.

Daxili mənbələrdən əsas kapitala yönəldilmiş vəsaitin dəyəri ümumi sərmayənin 32,9%-ini təşkil edib. Xarici müəssisə və təşkilatlar tərəfindən isə əsas kapitala 3 mlrd. 553,9 mln. manat vəsait yönəldilib.

2017-ci ilin yanvar-may aylarında tikinti müəssisələri tərəfindən yerinə yetirilmiş inşaat işlərinin 73,1%-ini tikinti, yenidənqurma və genişləndirmə, 5,1%-ini əsaslı təmir, 3,3%-ini cari təmir, 18,5%-ini isə sair tikinti işləri təşkil edib. Ümumi inşaat işlərinin 89,1%-ini qeyri-dövlət tikinti müəssisələri yerinə yetiriblər.

Emtv.az