SON DƏQİQƏ

“ABŞ və Ermənistan diplomatları hər iki ölkənin dövlət başçılarının görüşünün keçirilməsini müzakirə edir. Görüşün tarixi ABŞ və Ermənistanın xarici işlər nazirlərinin görüşündən sonra məlum olacaq”.

Emtv.az-ın məlumatına görə, bu açıqlamanı “Sputnik”in İrəvan redaksiyasına ABŞ-ın Ermənistandakı səfiri Qriqor Ovannisyan verib.

“Əlbəttə, hansısa mərhələdə dövlət başçılarının görüşünü təşkil etmək lazım idi. Ermənistanda proseslər gedir. Biz parlamentli respublikaya çevrilirik. Bizim ABŞ-dan olan həmkarlarımız, ölkə rəhbərliyi bu barədə ən yüksək səviyyədə məlumatlandırılmalıdır”,-səfir belə deyib.

Ovannisyan ABŞ-ın dövlət katibi ilə Ermənistanın xarici işlər nazirinin görüşünə hazırlıq görüldüyünü bildirib: “Gündəliyi hazırlayacağıq. Yəqin ki, bundan sonra prezidentlər səviyyəsində görüşə hazırlıq görüləcək. Mən istərdim ki, görüşün gündəliyi nazirlərin razılaşdırdığı kimi olsun”.

Ovannisyan Tillersonla Nalbandyanın görüş vaxtının hələ müəyyənləşmədiyini vurğulayıb.

Emtv.az