SON DƏQİQƏ

Avstriyada təlim-məşq toplanışını davam etdirən “Qəbələ” bu gün növbəti sınaq matçına çıxacaq. Emtv.az-ın apasport.az-a istinadən məlumatına görə, “qırmızı-qaralar” Bolqarıstanın “Ludoqorets” klubu ilə üz-üzə gələcək.

Tirol bölgəsində İnnsburk şəhəri yaxınlığındakı Fulpmes qəsəbəsində məskunlaşmış təmsilçimiz 5-ci yoxlama matçını keçirəcək. Daha əvvəl yerli “Fulpmes” (8:0) və Rusiya Premyer Liqa təmsilçisi “Axmat”la (0:1) qarşılaşmış “qırmızı qaralar” hər oyun bir hissədən ibarət olan turnirdə isə “Vakker” (0:1) və Bolqarıstan MOİK-i (0:2) ilə də oynayıb.

Qeyd edək ki, “Ludoqorets”lə matç “Qəbələ”nin Avstriya toplanışının birinci mərhələsinin sonu olacaq.

Yoxlama oyunu
22 iyun

21:00. “Qəbələ” – “Ludoqorets”

Emtv.az