17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Şeyxin deputat qardaşından AÇIQLAMA — "Saqqal saxlayan adama "mollalıq vəsiqəsi" verirlər"
Qafqaz Müsəlmanları İdarəsinin (QMİ) sədri Hacı Allahşükür Paşazadənin qardaşı, Milli Məclisin deputatı Cavanşir Paşazadə QMİ-nin Cənub Regional qazisi Hacı Mirqiyas Təhməzov tərəfindən Elnur Tağıyevə seyidlik vəsiqəsi verilməsi məsələsinə münasibət bildirib.
Emtv.az xəbər verir ki, C.Paşazadə ölkə.az-a açıqlamasında deyib ki, hər hansı bir vətəndaşa seyidlik vəsiqəsinin verilməsi yolverilməzdir:
"Normal din adamı kiməsə seyidlik vəsiqəsi verə bilməz. Ümumiyyətlə, seyidliyin vəsiqəsi olmur. Bunu edənlər cahil, avam adamlardır. Kiminsə kimdənsə seyidlik alması ağılagəlməz və cəfəng düşüncələrdir. Bunun dinlə heç bir əlaqəsi yoxdur. Bəzi adamlar var ki, başına papaq qoyan, saqqal saxlayan adama "mollalıq vəsiqəsi" verirlər. Bu cür hallar doğru deyil".
Şeyxin qardaşı Hacı Mirqiyas Təhməzovun sözügedən hərəkətinə görə cəzalandırılacağını da istisna etməyib:
"Bildiyimə görə, QMİ-nin Cənub Regional qazisi tərəfindən belə bir vəsiqə verilməyib. Yəqin ki, bu məsələ araşdırılacaq. Əgər araşdırma nəticəsində QMİ-nin Cənub Regional qazisi tərəfindən doğrudan da belə bir vəsiqənin verilməsi faktı aşkar olunarsa, o zaman yəqin ki, həmin adam işində verdiyi nöqsana görə vəzifəsindən çıxarılacaq. Ancaq yenə də deyirəm ki, mən QMİ-nin Cənub Regional qazisinin bu cür hərəkətlərə yol verdiyinə inanmıram".
Xatırladaq ki, Qafqaz Müsəlmanları İdarəsinin Cənub Regional qazisi Hacı Mirqiyas Təhməzov Elnur Tağıyevə seyidlik vəsiqəsi verməsi sosial şəbəkələrdə geniş müzakirələrə səbəb olub.
Emtv.az