SON DƏQİQƏ

Ötən gün “Maşın” realiti-şousunu tərk edən müğənni Səidə Sultan oradakı iştirakından danışıb.

Emtv.az-ın məlumatına görə, sənətçi bildirib ki, artıq özü də şoudan uzaqlaşmaq istəyirmiş:

“Dünən səsvermədə olmağı heç gözləmirdim. Mən də oradakılar kimi xəbərdarlıq edə bilmədim ki, hazır olun. Bu bir mübarizədir. Oyunumu oynayıb, qalib olmuşam. Murad Dadaşov sayəsində çox şey qazandım. İtirmədim ki... Oyunumu da təmiz və dürüst oynadım. Mənə dəstək olan bütün insanlara təşəkkürlər. "Getsin"ə səs göndərənlərə də xüsusi təşəkkürlər. Çıxmağım ən məsləhətlisi idi. Bir az da qalsaydım, dəqiq bilirəm ki, dəli olacaqdım. Orada dürüst insan tapa bilmədim. Hamı bir-birindən hovlu gəzir. Bəzi kişilər də mənimlə başa-baş gedirdilər. Elə bil kişi mənəm. İnsanlardan o sevgini qazandım. Orada olan bəziləri görüm nə qazanacaqlar. Kiminsə sayəsində yox, öz sayəsində nəsə qazansınlar".

S.Sultan mübahisə yaşadığı Aqil M.Quliyevi də tənqid edib:

"Maşını qazanmadım, əvəzində sevgi əldə etdim. Məni aktrisa kimi görən Aqil M.Quliyev sətiraltı söz atır. Get, öz yaşayışından, dələduzluğundan danış. Camaat çörəyi qulağına yemir. Görün, mən tək canıma bir neçə iştirakçı ilə mübarizə apardım. Onlar məni yəqin zərif cinsin nümayəndəsi kimi yox, kişi kimi gördülər".

Qeyd edək ki, səsverməyə çıxan S.Sultan rejissor Aqil M.Quliyevi çıxartmaq istəyib. Sonda səs toplaya bilməyən ifaçı özü yarışmanı tərk edib.

Emtv.az