SON DƏQİQƏ

Rusiya Amerika ilə gərginləşən münasibətləri biznes yolu ilə yaxşılaşdırmağa çalışır.

Emtv.az xəbər verir ki, Rusiya prezidenti Vladimir Putin Peterburda keçirilən beynəlxalq iqtisadi forumda iştirak edən amerikalı biznesmenləri iki ölkə arasında münasibətləri yaxşılaşdırmaq üçün kömək etməyə çağırıb.

“İnterfaks” agentliyinin məlumatına görə, Rusiya prezidenti ABŞ lideri ilə normal siyasi dialoqu bərpa etmək üçün biznesmenlərin yardımına ümid bəslədiyini deyib.
Həmçinin qeyd edib ki, bu, hər iki ölkənin mənafelərinə xidmət edir.

Nəticə əldə etmək üçün ciddi səylərə ehtiyac olduğunu deyən prezident siyasi iradənin də vacibliyini önə sürüb.

Prezident xatırladıb ki, ən çətin tarixi zamanlarda, hər iki ölkə fərqli siyasi və ideoloji sistemə malik olanda belə ABŞ Rusiyanın önəmli ticari tərəfdaşı olaraq qalıb. Məsələn, SSRİ-də sənayeləşmə zamanı amerikalı biznesmenlər çox kömək edib.

ABŞ-la iqtisadi münasibətlərin hətta "soyuq müharibə" dövründə də davam etdiyini deyən prezident bildirib ki, hazırda Rusiya bazarında Amerika kapitalı ilə işləyən 3000-dən artıq şirkət var. Bu şirkətlərdə 180 mindən çox əməkdaş çalışır.

Emtv.az