SON DƏQİQƏ

Emtv.az "Müstəqil-Lider" ictimai-siyasi, publisistik jurnalının baş redaktoru Faiq Əhmədovun növbəti yeni qəzəlini sizə təqdim edir.

HÜRMƏSİ VAR.

Görmədim dilbərimin bircə şirin kəlməsi var,
Onun ancaq mən üçün xeyli, nazü-işvəsi var.

Çərlədir cismimi, bu hal ilə ol cananım,
Qəlbimin hey bu səbəbdəndi qəzəl-naləsi var.

Eşq ağacın hələ, göz yaşı ilə bəsləyirəm,
Hələ ki, görməmişəm mən ki, onun meyvəsi var.

Dağı-hicran ilə, eşqin dağına dırmanıram,
Hələ qurtarmamışam, görməyirəm zirvəsi var.

Məni şeytan çalışır ki, oradan rədd eləsin,
Bacara bilməyir o, it kimi hey hürməsi var.

Mən üçün Həcci ziyarət ki, deyil vacib ola,
Çünki qəlbimdədi yar, orda onun şöləsi var.

Sanmayın Faiq də, eşq ilə ölüb qurtaracaq,
Ölmüş olsam da əgər, ölməyimin dirilməsi var.

Məşədi Faiq ƏHMƏDOV "Müstəqil lider" jurnalının baş redaktoru
Emtv.az