SON DƏQİQƏ

Yaponiyanın texnologiya nəhəngi “Softbank” Səudiyyə Ərəbistanı ilə müştərək yaratdığı “Vision Fund” investisiya fondu 100 mlrd. ABŞ dolları həcmində vəsaitlə fəaliyyətə başlayır. Emtv.az “Habertürk” saytına istinadən xəbər verir ki, adıçəkilən Fondun qlobal texnologiya sektorunda mühüm dəyişikliklər edəcəyi gözlənilir.
Fonda yaxın 5 ildə ən böyük maliyyə dəstəyini 45 mlrd. dollarla S.Ərəbistanının Dövlət İnvestisiya Fondu verəcək. “Softbank”ın isə “Vision Fund”a 25 mlrd. dollar yatırım edəcəyi gözlənilir. Qeyd edək ki, bununla yanaşı “Apple” və “Sharp” şirkətlərinin hər biri “Vision Fund”a 1 mlrd. dollar verəcəyini bildirib. Fonda investisiya qoyanlar arasında həmçinin “Oracle”, “Foxconn” və “Qualcomm” kimi məşhur texnologiya şirkətləri yer alıb.

Hazırda S.Ərəbistanında olan Yaponiyanın ən zəngin adamı – “Softbank Group”un sahibi Masayoşi Son (Masayoshi Son) “Vision Fund”un rəsmi olaraq paytaxt Ər-Riyadda fəaliyyətə başlayacağını qeyd edib.

Xatırladaq ki, “Vision Fund” 2016-cı ilin oktyabr ayında qurulub və məqsədi dünyada texnologiya sahəsində yeni araşdırmalara dəstək verməkdir.

Emtv.az