17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Bakıda yaşayış binası yanır: bir ailə 14-cü mərtəbədə qalıb - YENİLƏNİB
14:59
Hazırda çoxmərtəbəli binada yanğın davam edir və söndürülməsi üçün tədbirlər görülür.
hadisə yerində olan əməkdaşı bildirir ki, binanın 14-cü mərtəbəsində bir ailənin 4 üzvü qalıb.
Xilasedicilər onları binadan çıxarmağa çalışırlar.
---------
14:46
Paytaxtda yanan binada yanğın söndürülmək üzrədir.
Emtv.az xəbər verir ki, yerli mətbuatın hadisə yerində olan müxbirinin verdiyi məlumata görə, hazırda yanan binadan insanların təxliyəsi davam etdirilir.
Yanğın bir saatdır ki, binanı cənginə alıb. Yanğın 23-cü mərtəbəyə kimi çatıb. Yanğın baş verən binanın içərisindən insanlar təxliyə edilirlər. Təxliyə edilənlərin arasında uşaqlar da var. İki uşaq yanğınsöndürənlərin köməyi ilə yanan binadan çıxarılıb.
Qeyd edək ki, yanğın Bakı şəhəri, Yasamal rayonu, Şəfaət Mehdiyev küçəsində çoxmərtəbəli yaşayış binasında baş verib. Hadisə yerinə Fövqaladə Hallar Nazirliyinin yanğınsöndürənləri və təcili tibbi yardım briqadası cəlb olunub.
---------
13:43
Bakıda çoxmərtəbəli yaşayış binası yanır.
Emtv.az xəbər verir ki,Fövqəladə Hallar Nazirliyindən yerli mətbuata verilən məlumata görə, "112" qaynar telefon xəttinə Bakı şəhəri, Yasamal rayonu, Şəfaət Mehdiyev küçəsində çoxmərtəbəli yaşayış binasında yanğın olması barədə məlumat daxil olub.
Nazirliyin Dövlət Yanğından Mühafizə Xidmətinin və Xüsusi Riskli Xilasetmə Xidmətinin xilasediciləri çağırış ünvanına cəlb olunub, digər aidiyyəti dövlət qurumları məlumatlandırılıb.
Əlavə məlumat veriləcək.
---------
13:22
Emtv.az xəbər verir ki, Bakının Yasamal rayonu Şəfayət Mehdiyev küçəsində binalardan birində güclü yanğın baş verib.
İlkin məlumata görə, yanğın Lider TV və keçmiş Dövlət Torpaq və Xəritəçəkmə Komitəsinin inzibati binalarının arasındakı binada baş verib.
Şahidlərin sözlərinə görə, hadisə yerinə yanğınsöndürənlər və təcili yardım briqadaları cəlb edilib.
Hadisəyə görə yolda hərəkət də məhdudlaşdırılıb.
Nəzrin Abbaszadə
Emtv.az