SON DƏQİQƏ

Türkiyə Kerç boğazındakı hadisədən sonra Rusiya və Ukraynaya gələcəkdə buna oxşar hadisələrdən qaçmaq barədə çağırış edib.

Emtv.az xəbər verir ki, bu barədə Türkiyə xarici işlər naziri Mövlud Çavuşoğlu deyib.

“Düşünürəm ki, həbs edilən gəmilər və dənizçilər azad edilməli və proseslər bu istiqamətdə getməlidir. Kerç boğazından həm Rusiyanın, həm də Ukraynanın istifadə etmək hüququ var. Biz Ukraynanın ərazi bütövlüyünü dəstəkləyirik, ancaq Türkiyə Qara dəniz ölkəsi olaraq, bölgədə gərginliyi istəmir”,- nazir vurğulayıb.

Çavuşoğlunun sözlərinə görə, hər iki tərəf oturub danışmalıdır ki, gələcəkdə belə problemlər yaranmasın: “Türkiyə bu məsələnin həllində töhfəsini vermək istiqamətindəki fəaliyyətini davam etdirəcək”.

Sevinc Əlimova,
Emtv.az