SON DƏQİQƏ

“Tək partiyalı hakimiyyət dönəmində CHP təhsil sistemini korladı, azanı ərəbcə oxuyan müəzzinlər dərhal həbs olunurdu. Bu əməllərinə görə, xalq İsmət İnönünü sevmirdi.”

Emtv.az xəbər verir ki, bu sözləri Milli Görüşün liderlərindən olan və həmin dövürləri yaşamış Rəcai Kutan deyib.

“İsmət İnönünün hakim olduğu dövrdə edilən haqsızlıqlara, zülmlərə üsyan edər bir vəziyyətə gəlmişdik. O dövrdə Milli Təhsil naziri Həsən Əli Yücel idi və milli təhsildə marksist komplektləşdirməyə başlamışdı. Təhsil sistemimizdə o dövrdə aparılan korlanmanın unudulmaması lazımdır.

Məktəb həyatım dövründə əlamətdar bir hadisə oldu. İstanbul Radiosunda Osmanlı dövrünün və Cümhuriyyətin ilk Baş Qərargah rəisi Fevzi Çakmaqın vəfat xəbəri yayıldı. Fevzi Çakmaq ö dönəmdə İsmət İnönüyə nisbətdə çox sevilirdi. İsmət İnönü də Fevzi Çakmaqa qarşı nifrət bəsləyirdi.

Bu xəbər yayıldıqdan sonra, İstanbul Radiosunda oyun havaları çalmağa başlandı. Bu səbəbdən də tələbələrlə aksiya təşkil etdik.

Hərbi radionun ofisinə hücum etdik. Bir az sonra məşhur Rum polisləri gəldilər. Əllərində dəyənəklərlə hücum etdilər. Daha sonra elan edildi ki, dövlət mərasimi Bəyazıt məscidində keçiriləcək. O dövrdə ərəbcə azan qadağan edilmişdi. 1950-cu ildir, hər hansısa bir yerdə müəzzin ərəbcə azan oxuyardısa, dərhal birbaşa məhkəməyə aparardılar. Dəfnə gedəndə meydan ağzına qədər dolu idi. Azan vaxtı gəldi. İki minarədən də ard arda azan ərəbcə oxunmağa başlandı. Mən o vaxt 20 yaşındaydım. Ərəbcə azanı böyük bir məsciddə ilk dəfə eşitdim. Bir də baxdım ki o meydanı dolduran xalq ağlayır. 20 il azan həsrəti çəkmiş bir nəsildənəm mən”

Aynurə Kərimova,
Emtv.az
Paylaş,