30 avq 15:48Oxunub: 453 |

Dövlət Komitəsi Bakıda uşaq bağçasında körpənin döyülməsi ilə bağlı araşdırmalara başlayıb

Dövlət Komitəsi Bakıda uşaq bağçasında körpənin döyülməsi ilə bağlı araşdırmalara başlayıb

Ailə, Qadın və Uşaq Problemləri üzrə Dövlət Komitəsi Yasamal rayonunda yerləşən “Nərgiz” uşaq bağçasında 2 yaşlı David Şükürzadənin döyülməsi ilə bağlı müvafiq araşdırmalara başlayıb.

Emtv.az xəbər verir ki, Dövlət Komitəsindən yerli mətbuatın sorğusuna cavab olaraq bildirilib ki, hazırda məsələyə hüquqi qiymətin verilməsi üçün Yasamal Rayon İcra Hakimiyyəti ilə danışıqlar aparılır.

“Əgər məsələ kütləvi informasiya vasitələrində işıqlandırılıbsa, sözsüz ki, hüquq-mühafizə orqanları tərəfindən də məsələyə baxılaraq hüquqi qiymət veriləcək”, – Dövlət Komitəsindən vurğulanıb.

“Nərgiz” uşaq bağçasının direktoru Fəridə Hacıyeva isə “Report”a açıqlamasında bildirib ki, hüquq-mühafizə orqanlarına müraciət olunub: “Hüquq-mühafizə orqanlarının əməkdaşları və valideynin iştirakı ilə bağçanın kamera görünütülərinə baxılıb. Uşağın bağçaya daxil olduğu saatdan buranı tərk edənə kimi izlənilib. Heç bir neqativ və ya uşağın narahat olduğu hala rast gəlinmədi. Hətta uşağa qarşı qayğıkeş münasibəti görən valideyn bu görüntüləri öz telefonuna çəkdi. Hadisənin sonradan belə işıqlandırılması məni də düşündürür. Valideynlə əlaqə saxlaya bilmirəm ki, məsələni niyə belə formada qələmə verildiyinin səbəbini öyrənə bilim. Avqustun 21-də axşam saatlarında bizə zəng edildi ki, belə hal olub. Biz də avqustun 22-də kamera görüntülərinə baxdıq. Həmin günün görüntülərində heç bir problem müşahidə etmədik. Bütün otaqlarda kamera var. Sadəcə, valideyn idda edir ki, bisetkanın içərisidir. Amma həmin ana qədər baş verənlər görüntülərdə uşaq çox şən görünüb”.

Qeyd edək ki, sosial şəbəkələrdə körpənin uşaq bağçasında döyüldüyü iddia edilir.

Aysu Əliyeva,
Emtv.az

Paylaş:
Məşədi Faiq ƏHMƏDOV-BAŞ YAZAR
Əziz və Dəyərli Qızım ƏSMA! - Faiq ƏHMƏDOV
Əziz və Dəyərli Qızım ƏSMA! - Faiq ƏHMƏDOV
Oxunub: 917
XƏBƏR LENTİ

Reklam
Məzənnə