SON DƏQİQƏ

Dünyanı sömürərək özlərinə rifah quruluşu yaradanlara boyun əymədik, əyməyəcəyik.

Emtv.az xəbər verir ki, bu sözləri Ədalət və İnkişaf Partiyasının (AKP) Ankarada VI qurultayında çıxışı zamanı Türkiyə Prezidenti Rəcəb Tayyib Ərdoğan deyib.

“Ya olacağıq, ya öləcəyik deyərək hədəflərimizə addımlayırıq. Millətimizi bölməyəcək, dövlətimizi yıxamayacaqsınız. Yarandığımız gündən bəri gördüyümüz hər bir ədalətsizlik, zülm və riyakarlıq qarşısında səsimizi qaldırmaqdan geri durmayacağıq. Terrorçulara tabe olanlardan olmadıq, olmayacağıq. Öndə igidlər aslan kimi vuruşarkən, arxada əl ovuşturanlara bənzəmədik, bənzəməyəcəyik. Ölkə yanarkən ikiüzlülük ardınca qaçanlara etibar etməmişik, etməyəcəyik. Dünyanı sömürərək özlərinə rifah quruluşu yaradanlara boyun əymədik, əyməyəcəyik. Zahirdə bizə strateji tərəfdaş kimi görünərək atdığı hər addımla bizi strateji hədəf halına gətirməyə çalışanlara təslim olmadıq, olmayacağıq. Qısa çöpün uzun çöpdən haqqını bir gün alacağına inandıq, inanmağa davam etdirəcəyik”.
****

“Biriləri bizi iqtisadiyyatla, sanksiyayla, kursla, valyuta ilə, faizlə, inflyasiyayla təhdid edirlər. Biz də onlara deyirik ki, oyununuzu gördük və meydan oxuyuruq. Bilirik ki iman varsa imkan da var.”

Onuda qeyd edək ki, hazırda Türkiyənin hakimiyyətdə olan Ədalət və İnkişaf Partiyasının (AKP) Ankarada VI qurultayı geçirilir.

Emtv.az xəbər verir ki, Türkyə prezidenti Rəcəb Tayyib Ərdoğan konqres salonuna keçərkən partiya üzvlərinə müraciət edib.

“Heç əndişəniz olmasın. Bu zamana qədər bizi çökdürə bilmədilər. Bundan sonra da çökdürə bilməyəcəklər” – , deyə Ərdoğan bildirib.
Qeyd edək ki, qurultayda partiyanın yeni idarə sistemi bəlli olacaq. Həmçinin partiya sədri yenidən seçiləcək və İdarə Heyəti formalaşdırılacaq.

Aynurə Kərimova,
Emtv.az