SON DƏQİQƏ

“G7-lərinn toplantısında aparılan müzakirlərin əksəriyyəti Rusiya ilə bağlı olduğundan, rsəmi Moskvanı yenidən bu formatda dəvət təklifi ilə çıxış etmişəm”.

Bunu ABŞ prezidenti Donald Tramp Fox News telekanalına açıqlamasında deyib.

“Siz bilirsiniz ki, G7-nin toplantısında müzakirələrin 25 faizi Rusiya ilə bağlı olur. Odur ki, öz-özümə düşündüm, ən yaxşısı elə Rusiyanı bura dəvət edək və nə fikrimiz varsa, onun özünə deyək. Düzdür, mən Rusiyanın tərəfdarı deyiləm. Mən ABŞ-ın maraqlarını müdafiə edirəm. Bax, sizə bir misal.Əgər Vladimir Putin Kanadada digərləri ilə yanaşı şam yeməyində mənimlə otursaydı, mən ondan dünya və onun üçün yaxşı nəsə etmək barədə sorğu-sual edərdim”- Tramp qeyd edib.

Tramp hesab edir ki, buna görə də Putinlə məsələləri telefonla danışıb müzakirə etməkdənsə, onunla şəxsən ünsiyyət qurmaq lazımdır. O əlavə edib ki, Rusiyanı G8-dən uzaqlaşmasına səbəb Barak Obama olub.

G8 formatı 1998-ci ildən fəaliyyət göstərib və 2014-cü ildə Rusiyanın Krımı işğal etməsindən sonra bu format G7-yə çevrilib. Belə ki, 2014-cü ildə G8 formatının üzvləri Soçi sammitinə getməkdən imtina edərək, Rusiyanın iştirakı olmadan G7 formatında Brüsseldə toplanıblar.

Emtv.az