SON DƏQİQƏ

Suriyada Rusiya ilə İran arasında ciddi toqquşma yaşanmaqdadır. Uzun müddətdir ki, Suriyada Rusiya və İran Əsəd rejimi ilə birlikdə hərəkət etsə də, son dövrlərdə bu iki ölkə arasında qarşıdurma yaşanmağa başlayıb. Artıq bu iki ölkə arasındakı çatlar getdikcə dərinləşir.

Hətta vəziyyət o həddə çatıb ki, rus qoşunları Dəməşdə strateji obyektləri tamamilə öz nəzarətinə götürüb.

Beləliklə, Rusiya ordusu Dəməşq valiliyi, Baas partiyasının yerləşdiyi Səba Bahrat bölgəsini, hökumət binalarını yerləşdiyi Kefer Suse ərazisini artıq nəzarətə götürüb və burada mühafizəni onlar həyata keçirir.

Rus ordusu indiyədək həmin əraziyə nəzarətə edən İrana bağlı şiə milislərini buradan uzaqlarıaraq, onların ölkədən çəkilməsi üçün təzyiqlər edir. Yaranmış vəziyyət isə Əsəd ordsunda və kəşfiyyat orqanlarında ciddi parçalanmaya yol açmaqdadır. Digər tərəfdən, Rusiya təhlükəsizlik orqanlarının suriyalı siyasi məhkumların qaldığı ən böyük iki həbsxanası olan Adra və Sidnaya həbsxanalarında yerləşdirildiyi bildirilir.

Rusiya İranı Suriyadan sıxışdırıb çıxarır

Suriyalı müxaliflərdən olan Yusuf Hamed deyib ki, son 20 gündə Dəməşqin mərkəzi və ətrafında rus təhlükəsizlik qüvvələrinin sayı dəfələrlə artıb. Onun sözlərinə görə, rus ordusu Dəməşqin Kusayr, Zebadani, Kunteytra, Sid Zeynəb və Deraya bölgələrindən İran dəstəkli milislərə təzyiq edərək, ərazidən çıxarmağa başlayıb. O əlavə edib ki, rus qoşunları hətta sərhədə yaxın bölgələrdə İrana bağlı qüvvələri sıxışdırmaqla məşğuldur.

Vəziyət belə davam edərsə, Əsədin ordusu qısa zamanda parçalana bilər. Artıq rus qoşunlarının Suriyada iranlı general Qasım Süleymaninin güclərinin zəiflədilməsi və bölgədən çıxarılması istiqamətində ciddi fəaliyyətə başlayıb.

Şübhəli ölümlər

Q.Süleymanini zəiflətmək və Suriya ordusunda parçalanmaya yol açan digər məqam isə son 20 gündə xeyli sayda yüksək rütbəli zabitin şübhəli ölüm hadisələri baş verib. Belə ki, aralarında 11-ci diviziya komandiri general Əli Məhəmməd Əl-Hüseynin də olduğu 4 yüksək səviyyəli əsgərin ötən 20 gün ərsində şübhəli ölümlərinə diqqət çəkən suriyalı müxalif Hamed onu da əlavə edib ki, “Hizbullah” terror təşkilatının raketatma sistemlərindən cavabdeh olan və “Hizbullah” lideri Həsən Nəsrallahın müavinlərindən Cəmil Hadraç və İranın Suriyada hərbi müşaviri general Xəlil Utancaqlının eyni prosesdə şübhəli bir şəkildə ölüb. Bu da Rusiay və İran arasında gərginliyə yol açacaq məsələlərdir.

Emtv.az