23 may 15:30Oxunub: 351 |

Çovdarov danışmadı: "Gələn dəfəyə qalsın" - MƏHKƏMƏ

Çovdarov danışmadı: "Gələn dəfəyə qalsın" - MƏHKƏMƏ
Ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov və digərlərinin barəsində olan hökmdən verilən apellyasiya şikayəti üzrə məhkəmə davam edib.

Emtv.az-ın lent.az-a istinadən məlumatına görə, Bakı Apellyasiya Məhkəməsində hakim Faiq Qasımovun sədrliyi ilə keçirilən prosesdə vəkillərin qaldırdığı vəsatətlər müzakirə edilib.

Hakimlər kollegiyası vəsatətLəri təmin etməyib.

Daha sonra prosesdə Akif Çovdarovun vəkili Kamandar Nəsibov çıxış edib. O, müvəkkillinə verilən ittihamların əsassız olduğunu deyib. Vəkil Kamandar Nəsibov Çovdarova bəraət tələb edib.

Prosesdə Səlim Məmmədovun vəkili Elçin Sadıqov da çıxışına əlavələr edib. O da Kamandar Nəsibov kimi müvəkkilinə bəraət tələb edib.

Prosesdə Çovdarova söz verilsə də, o gələn proses danışacağını qeyd edib.

Proses mayın 25-də davam edəcək.


Qeyd edək ki, A.Çovdarov və digərləri 2015-ci ildə həbs edilib. Bakı Hərbi Məhkəməsinin hökmü ilə Akif Çovdarov 12 il, Səlim Məmmədov 11 il, Akif Əliyev 5 il və Orxan Osmanov 4 il müddətinə azadlıqdan məhrum edilib. Onların 33 milyon manatlıq əmlaklarının əksəriyyəti müsadirə edilib və rütbələrinin alınması üçün təqdimat verilib.

Emtv.az
Məşədi Faiq ƏHMƏDOV-BAŞ YAZAR
Rektorun səfir oğlu Anar Məhərrəmov
Rektorun səfir oğlu Anar Məhərrəmov "Diplomatik möhür altında tütün və çaxır alveri ilə məşğuldur"
Oxunub: 1247
XƏBƏR LENTİ

Reklam
Məzənnə