SON DƏQİQƏ

Stokholm Beynəlxalq Sülh Araşdırmaları İnstitutunun (SIRPİ) hesabatına görə, Yaxın Şərq ölkələrinə silah satışı 2013-2017-ci illərdə əvvəlki illərə nisbətən iki dəfə artıb.

Emtv.az xəbər verir ki, hesabatda ABŞ silah satışına görə dünyadakı lider mövqeyini qoruyub saxlaya bilib. ABŞ, Avropa ölkələrindən Almaniya silah satışında liderlik edir.

Yaxın Şərq regionunun ən böyük silah idxalçısı isə Səudiyyə Ərəbistanıdır. ABŞ və Avropa ölkələri son 5 ildə Ər-Riyadın silah tələbatının 98%-ni ödəyiblər.

2015-ci ildən bu günə kimi Yəməndə hərbi əməliyyat aparan Səudiyyə Ərəbistanı 2013-2017-ci illər arasında əvvəlki 5 ilə müqayisədə silah idxalını 225% artırıb. Hindistandan sonra ən böyük silah idxalçısı olan Səudiyyə Ərəbistanı keçən həftə İngiltərəyə 48 ədəd müasir texnologiyaya malik döyüş təyyarəsi sifariş vermişdi.

Dünyanın silah ehtiyacının 1/3 ABŞ ödəyir. Vaşinqton son 5 ildə silah satışını 25% artırıb. Bu silah ixracatının yarısı Yaxın Şərqin payına düşür.

SIRPİ silah və hərbi xərclər proqramı direktoru Aude Flöran Obama dövründə bağlanan silah müqavilələri sayəsində ABŞ-ın silah satışının 1990-cı illərdən bəri ən yüksək səviyyədə olduğunu bildirib.

Silah satışında ABŞ-ı Rusiya, Fransa, Almaniya və Çin izləyir. Bu 5 ölkə dünyanın silah ehtiyacının 74%-ni ödəyir.

Almaniyanın dünyada silah satışı 2013-2017-ci illərdə 14% azalsa da, Yaxın Şərq ölkələrinə satdığı silah 109% artıb.

Hesabatda Türkiyənin də adə silah ixracatını artıran ölkələr arasında sıralanır. Hesablamalara görə, Türkiyə 2013-2017-ci illərdə əvvəlki 5 illə müqayisədə silah satışını 145% artırıb.

İsrail və Cənubi Koreya da silah satışını artıran ölkələr arasında sıralanır.

Ən böyük silah idxalçısı ola Hindistan isə silah alımını 12% artırıb. Hindistanın silah tələbatının 62%-ni Rusiya olub.
Dünya üzrə silah satışlarının ümumi həcmi isə 10% artıb.

Emtv.az