SON DƏQİQƏ

Türkiyə baş nazirinin müavini və hökumət sözçüsü Bəkir Bozdağ ABŞ rəsmilərinin “İŞİD-lə mübarizəyə fokuslanaq”, sözlərinin arxasındakı qorxunc planı açıqlayıb.

Emtv.az məlumatına görə, Bəkir Bozdağ deyib ki, İŞİD terror təşkilatı bölgədəki siyasi hədəflərin həyata keçirilməsi üçün istifadə edilən alətdir.

Baş nazirin müavini bildirib ki, İŞİD-lə mübarizəni ABŞ təkbaşına aparmır, bu terror təşkilatı ilə bütün dünya vuruşur: “”Fərat qalxanı” hərəkatı zamanı 3 min İŞİD terrorçusunu məhv edən Türkiyə silahlı qüvvələridir. Başika düşərgəsini İŞİD-ə qarşı quran və orada minə yaxın İŞİD terrorçusunu məhv edən yenə TSQ-dir”.

Hökumət sözçüsü İŞİD bəhanəsi ilə yeni bir oyun qurulduğunu bəyan edib: Bundan sonra İŞİD terrorçularını təşkilatlandırıb, yaxın günlərdə yeni bir teatr tamaşası ilə dünyanın önünə qoya bilərlər və deyərlər ki, “baxın, Türkiyə Afrin bölgəsinə girdi, İŞİD-ə fokuslanın dedik, amma fokuslanma zəiflədi, İŞİD Rakkaya doğru yenidən hərəkət edir””.

Bəkir Bozdağ deyib ki, bu cür hiyləgərliklə heç kim Türkiyənin haqlı mücadiləsini haqsız vəziyyətə gətirə bilməz.

Emtv.az