SON DƏQİQƏ

Qarabağın tarixi uğuru Avropa idman mediasının da diqqət mərkəzində olub.

Emtv.az xəbər verir ki, qitənin nüfuzlu media orqanları bu uğuru oxucularına “Qarabağ tarix yazdı” başlıqları ilə çatdırıblar.

İspaniyanın məşhur idman nəşri olan “Marka” qəzeti “Qarabağ” futbol komandasının UEFA Çempionlar Liqasının qrup mərhələsinə yüksəlməsi ilə bağlı məqalə dərc edib.

Məqalədə “Qarabağ”ın heyətində oynayan ispaniyalı Miçelin və məşqçilərdən Ruben Sellesin fikirləri yer alıb.

Yazıda “Qarabağ” klubu haqqında oxuculara ətraflı məlumat verilib.

Alberto Rubionun müəllifi olduğu məqalədə “Qarabağ” komandasının bu mövsümdə UEFA Çempionlar Liqasının seçmə mərhələsində keçdiyi yoldan bəhs edilib.

UEFA-nın rəsmi saytı da dünənki oyunlardan sonra “Liverpul” və “Sportinq” bacardı,”Qarabağ” tarix yaratdı başlıqlı xəbəri ilə bu uğuru oxucularına çatdırıb. Xəbərdə qeyd olunub ki, Moskva “MOİK”i, Sporting , Liverpul və APOEL UEFA Çempionlar Liqası qrup mərhələsinə bunu bacaran ilk Azərbaycan komandası olan Qarabağ ilə birlikdə qatıldı.

Fransanın məşhur “Lequipe” qazeti də “Gecənin mahnısı Danimarkadan gəldi, Qarabağın tarix yazmağı bir Azərbaycan klubu üçün ilk demək idi” yazısı ilə təmsilçimizə uğurlar arzulayıb.

Türkiyənin nüfuzlu media orqanları da “Qarabağ”ın Çempionlar Liqasının qrupuna düşməsinə yer ayırıblar.

“Hürriyyət” qəzeti “Qarabağ” tarix yazdı” başlıqlı yazıda Ağdam klubunun Azərbaycan futbolu tarixində ilk dəfə Çempionlar liqasının qrupuna düşdüyünü yazıb.

“Milliyət” qəzeti isə xəbərə “Qarabağ” Çempionlar Liqasının qrupuna düşdü” başlığı verib.

Ölkənin daha bir nüfuzlu ictimai-siyasi KİV-lərindən “Haberturk.com” saytında “Qarabağ” “Kopenhagen”ı üstələyərək Çempionlar Liqasının qrupuna düşdü” başlığı verib.

“CNN Türk”ün saytı bu tarixi uğuru “Azərbaycan komandası “Qarabağ” bir ilki bacardı”, idman nəşrlərindən “Fanatik” qəzeti isə “Qarabağ” tarix yazdı” başlıqlarıyla dəyərləndirib.

Emtv.az