SON DƏQİQƏ

Son zamanlar şəhərdaxili, qəsəbə və kəndlərə hərəkət edən marşrut avtobuslarının intervalı artıb. Bu isə əsaslı olaraq sərnişinlərin narazılığına səbəb olur. Xüsusən də daha uzaq məsafəyə hərəkət edən avtobusların intervalında nəzərdə tutulan müddətdən daha artıq gecikmə olur.

Maraqlıdır, Bakı Nəqliyyat Agentliyi bunu nə ilə əsaslandırır?

Bakı Nəqliyyat Agentliyinin ictimaiyyətlə əlaqələr şöbəsinin rəhbəri Mais Ağayev mətbuata açıqlamasında intervalların uzanmasının səbəblərindən danışıb. Bildirib ki, müntəzəm marşrut xətləri üzrə avtobuslararası interval xüsusən sərnişin axınına uyğun olaraq müəyyənləşdirilir. Agentlik rəsmisinin sözlərinə görə, intervalların süni şəkildə uzadılması yolverilməzdir:

“BNA fəaliyyətə başladığı ilk vaxtlarda bu cür hallara tez- tez rast gəlinirdi. Daşıyıcılarla aparılan intensiv işlər nəticəsində artıq intervalların süni şəkildə uzadılmasıda azalma müşahidə edilir. Kart sisteminə keçən avtobuslarda ümumiyyətlə, intervalların süni uzadılması halları aradan qaldırılıb”.

M.Ağayev həmçinin kart sistemi ilə işləyən avtobuslarda intervalın uzadılmasından danışıb:

“Bir məsələ var ki, bu gün kart sistemi ilə işləyən avtobuslarda da, digərlərində də xüsusən günün pik saatlarında intervalın uzanması halı ilə rastlaşırıq. Bunun başlıca səbəbi yollarda nəqliyyat vasitələrinin hərkətinin sıx olmasıdır. Qış mövsümündə şəhərin mərkəzi yollarında avtobusların intervalında uzanmalar olursa, yayda biz Bakıətrafı kənd və qəsəbələrdə bu halla üzlərşirik. 2, 14 saylı avtobusların da gecikməsinə səbəb yollarda sıxlığın olmasıdır. Bu günlərdə Formula -1 yarışı ilə bağlı intervalların uzanması halı daha çox müşahidə edilir”.

Emtv.az