SON DƏQİQƏ

Bu günlərdə Goranboy rayonunda yaşayan tanınmış biznesmen Qalib Mustafayevin öz itlərinə toy etməsi ictimaiyyətdə geniş müzakirə mövzusuna çevrilib.

“Mən o toyda iştirak etmək istərdim”. Bu sözləri isə müğənni Elza Seyidcahan mətbuata açıqlama verərkən deyib.

Müğənni qeyd edib ki, bəzi insanlara dəyər verməkdənsə, etibarlı, hissiyyatlı heyvanlara dəyər vermək heç də pis deyil: “Tənbəl, şəxsiyyətsiz insanlar var ki, işləmirlər, zəhmət çəkmirlər, körpə uşaqları qucaqlarında küləkdə, soyuqda dilənirlər, qızmar istidə uşaqlara yazıqları gəlmir. Ancaq heyvanlar isə insanlara xidmət edir. Kəlamda var ki, heyvanları cüt saxlayın. Heyvanlara yanaşma tərzi hər kəsin şəxsi işidir. Görəsən bu toy sahibi insanlardan bezdimi? Yoxsa “insanlardan daha çox onlara önəm verirəm” demək istədi? Bəlkə də bu mesajı vermək istəyir ki, heyvanlardan öyrənin, ey eynicinslilərlə evlənən cəzalılar… Mən toyda iştirak edərdim. Əgər qarşılığında “Heyvanlarla insanlar” adlı gözəl bir layihəmə sponsorluq edərlərsə...”

Qeyd edək ki, bir müddət bundan əvvəl müğənni Elza Seyidcahan da öz pişiyinə toy etmək arzusunda olması ilə bağlı açıqlama vermişdi. Müğənni artıq toya dəvət edəcəyi sənətçilərin də siyahısını açıqlamışdı: Müğənni Ceyla, pişik Günel, əjdaha Nadir, Səməd Səmədov...

Emtv.az