04 apr 09:47Oxunub: 199 |

Naxçıvanda suvarma mövsümünə hazırlıq işləri görülür

Naxçıvanda suvarma mövsümünə hazırlıq işləri görülür
Muxtar respublikada suvarma mövsümünün mütəşəkkil keçirilməsi diqqətdə saxlanılır. Tərtib edilmiş qrafikə uyğun olaraq nasos stansiyalarında və digər hidrotexniki qurğularda təmir işləri aparılır, əkin sahələrində şoranlaşma və bataqlaşmanın qarşısını almaq üçün kollektor və drenajlar lildən təmizlənir.

Naxçıvan Muxtar Respublikası Dövlət Meliorasiya və Su Təsərrüfatı Komitəsinin mətbuat xidmətindən azərtac-a bildirilib ki, 2017-ci ilin birinci rübündə 99 kilometr magistral kanal, 96 kilometr ara arxları, 8 kilometr kollektor lildən təmizlənib, 21 kilometr içməli su xətti təmir olunub, sututarlara 195 milyon kubmetrdən artıq su ehtiyatı yığılıb. Bundan başqa, yaşayış məntəqələrini və əkin sahələrini yaz aylarında sel sularının zərərli təsirindən qorumaq məqsədilə 8 kilometr məsafədə istiqamətləndirici bənd tikilib.

Kanallarda su itkilərini azaltmaq məqsədilə həyata keçirilən tədbirlər davam etdirilib, Uzunoba Su Anbarına sugətirən kanalın 550, suaparan kanalın isə 940 metri beton panellərlə yenidən tikilib. Ötən dövrdə suvarma və içməli su mənbəyi kimi istifadə olunan 7 subartezian quyusunda yeni nasos quraşdırılıb, 1 kəhrizin təmir-bərpası başa çatdırılıb.

“Su Təchizatı və Kanalizasiya İnvestisiya Proqramı” çərçivəsində Babək rayonunun Şıxmahmud kəndində müxtəlif diametrli borularla 34 kilometr kanalizasiya xətti və 37 kilometr içməli su xətti çəkilib, 1090 ev kanalizasiya şəbəkəsinə qoşulub və 1035 sayğac quraşdırılıb. Şərur rayonunda isə müxtəlif diametrli borularla 34 kilometr içməli su xətti çəkilərək 517 ev birləşməsi aparılıb.

Emtv.az
Məşədi Faiq ƏHMƏDOV-BAŞ YAZAR

"Azərbaycanın Səsi" ictimai birliyi, Bakı Şəhər Mədəniyyət Baş İdarəsi və Bilgəh qəsəbə Mədəniyyət evi Silahlı Qüvvələr Gününə Ordunun yaranmasının 100 illiyinə həsr edilmiş tədbir keçirib
Oxunub: 1392
XƏBƏR LENTİ

Reklam
Məzənnə