SON DƏQİQƏ

II- YAZI

- Qədim yunan filosofu Sokrat deyirdi ki, əgər bir məmləkətin pinəçiləri öz işlərinin öhdəsindən layiqincə gələ bilməsələr heçnə olmaz. Sadəcə olaraq həmin məmləkətin sakinləri pis və cırıq ayaqqabı geyinərlər. VƏSSALAM.

- Əgər bir məmləkətin müəllimləri öz işlərinin öhdəsindən layiqincə gələ bilməsələr heçnə olmaz, sadəcə olaraq aradan az bir müddət keçər, həmin məmləkətdə böyük bir cahillər ordusu peyda olar. İndi Azərbaycan təhsilinin səviyyəsi yaxın gələcək üçün cahillər ordusunun peyda olmaq ehtimalını xeyli artırır.

Çünki Azərbaycan müəlliminin ali təhsi ocaqlarında dərs dediyi tələbəsi acından dilənmək və qorxudan susmaq məcburiyyətində qalan, hər iki rakursdan olduqca miskin görünən, bir obraz formalaşdırmışdır. Məişət qayğıları içərisində itib batan Azərbaycan müəlliminin bu günkü miskin görkəmi də, vaxti ilə müqəddəs kult səviyyəsinə yüksəldilən müəllim obrazı ilə daban-dabana ziddir.

Son illər təhsil ocaqlarında müəllim rüşvətxorluğu və ödənişli təhsil alan tələbələrin ödəniş haqlarının ödəyə bilməməkləri haqda çox yazılır.

Müəllimlərimiz ziyalı danlağına, jurnalist qınağına ünvan seçilir. Əziz həmkarlarım, bu, bəlanın görünən tərəfidir. Həmdə olduqca miskin görünən tərəfidir.

Lakin, bəlanı doğuran səbəblər vardır ki, onlar görünmür. Müəllimə dövlət tərəfindən verilən məvacibin azlığı bir tərəfdən, təhsil ocaqlarının rəhbərləri də digər tərəfdən müəllimləri ağıla gəlməyən ən müxtəlif yollarla tələbələrdən pul yığmağa məcbur edirlər.

Baxanda səbəb statusunda müəllim görünür. Lakin, təhsil ocaqlarının rəhbərləri də tələb olunan haqqı vaxtı-vaxtında çatdırmalıdırlar.

Rüşvət mexanizmi üzərində qurulan təhsil sistemimizdə hansı müəllim nüfuzundan, hansı müəllim kultundan söhbət gedə bilər?

- İndi paytaxt şəhərimizin özündə hələ də elə tam orta məktəblərimiz və ali təhsil ocaqlarımız var ki, texniki avadanlığı, təmir vəziyyəti tamamilə bərbad gündədir...