SON DƏQİQƏ

Emtv.az xəbər verir ki, mətbuata şikayatçi qismində məcburiyyət qarşısında qalaraq üz tutan Cəlilabad rayonu Gülməmmədli kənd sakini Səfərov Qürbət Məhərrəm oğlu bildirir ki, 26 aprel gecə saat 22.00-da Cəlilabad rayon Elektrik Paylayıcı Şəbəkəsinin müdiri Aydın Məmmədov şəxsən özü işçiləri ilə qapımdan içəri soxularaq məni təhqir etdi. Yalandan dedi ki, guya mən kənar xətdən enerji götürürəm. Birbaşa dedi ki, stolba almağa 200 manat pul verməlisən ki, sənin evinin elektrik enerjisi ilə bərpasını təmin edək. Razılaşmadım, o elə həyat yoldaşımın yanında mənə təhqiramiz sözlər dedi. Əsəbdən səhərə kimi yatmadım, dərmanlar qəbul etdim. Səhəri gün Cəlilabad rayon EPŞ binasına gəlib müdir Aydın Məmmədovun qəbulunda oldum. Elə içəri girən kimi yenə mənə dedi ki, 200 manatı gətirmisən? Mən etiraz etdim, bu zaman yenə mənə pis söyüşlər söydü. Hətta külqabını götürüb dedi ki, bunu sənin başına vuraram”. Müraciətdə daha sonra deyilir: “Bu adam xəstədir, tanıyanlar bilir ki, vəzifə onun yeri deyil. Mən yaşlı adamam, ali təhsilli müəlliməm, şairəm, bu vaxta kimi belə münasibət heç yerdə görməmişəm. Qəbulunda olan insanlarla kobud danışır, gecə vaxtı yanında heç bir dövlət nümayəndəsi olmadan camaatın qapısına, həyət-bacasına soxulub xırda borc üstündə əhalinin işığını kəsir. Mən özüm ağdamlıyam, bir tərəfdən Qarabağ dərdi ürəyimi xəstəliyə salıb, bir tərəfdən də Aydın Məmmədov kimi məmurların əməlləri axırıma çıxıb. Xahiş edirəm ki, Cəlilabad Elektrik Paylayıcı Şəbəkəsi rəhbərinin əməllərinə hüquqi qiymət verəsiniz. Onsuz da bizi torpaq dərdi məhv edib.

P.S. Mövzunu diqqət mərkəzində saxlayacağıq və məqalədə adı çəkilən şəxsləri də dinləməyə hazırıq.