SON DƏQİQƏ

emtv.az
 Valyuta məzənnəsi

TƏBİƏTİ QORUYAQ

25-04-2016, 12:59 | Oxunub: 6 113 |

TƏBİƏTİ QORUYAQ
Xızı rayonunun Altıağac qəsəbəsində yerləşən Vəhşi Təbiətin Bərpası Mərkəzi və Reabilitasiya Klinikasında son 10 il ərzində 500-dən çox heyvan və quş müalicə olunaraq, yenidən təbiətə buraxılıb.

"EMTV.az" xəbər verir ki, hazırda klinikada 3 ayı, 1 cüyür, qartal və sultan toyuğu reabilitasiya dövrü keçir.

Buradakı ayılardan ən kiçiyi mərkəzə iki ay əvvəl gətirilib. Bu qonur ayı balasını yerli sakinlər qayalıq ərazidə yaralı vəziyyətdə taparaq 5 saylı Ərazi Ekologiya və Təbii Sərvətlər şöbəsinin əməkdaşlarına təhvil veriblər. Ayağı yaralanmış ayı balası müalicə üçün Vəhşi Təbiətin Bərpası Mərkəzi və Reabilitasiya Klinikasına gətirilib. Mərkəzin əməkdaşları onun tam sağalmaq üzrə olduğunu bildiriblər. Amma vəhşi təbiətə buraxılmazdan öncə bala ayı hələ bir müddət mərkəzdə bəslənəcək.

Klinikadakı bir ayı və bir cüyür isə reabilitasiya dövrünü başa vurmaq üzrədir. Altıağac Milli Parkının əməkdaşları tərəfindən meşədə yaralı vəziyyətdə tapılan cüyür tam müalicə olunub. Yaxın vaxtlarda bu heyvanlar təbiətə buraxılacaq.

Vəhşi Təbiətin Bərpası Mərkəzi və Reabilitasiya Klinikası 2006-cı ildən fəaliyyət göstərir. Mərkəz ölkəmizin ərazisində, o cümlədən Xəzər dənizinin Azərbaycan sektorunda müxtəlif səbəblərdən zərər çəkmiş vəhşi heyvanların reabilitasiyası, artırılması, baytarlıq və profilaktika tədbirlərinin keçirilməsi məqsədilə yaradılıb.

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR