SON DƏQİQƏ

emtv.az
 Valyuta məzənnəsi

NARKOMANİYAYA QARŞI MÜBARİZƏ DAVAM EDİR

23-04-2016, 14:08 | Oxunub: 3 817 |

NARKOMANİYAYA QARŞI MÜBARİZƏ DAVAM EDİR
Bərdə Turizm İnformasiya Mərkəzində “Narkomaniyaya yox deyək” mövzusuna həsr edilmiş tədbirdə narkomaniyaya qarşı mübarizə yolları müzakirə olunub.

"EMTV.az" xəbər verir ki, yeniyetmə və gənclərin iştirak etdiyi tədbirdə Bərdə Turizm İnformasiya Mərkəzinin direktoru Hikmət Heydərov, rayon polis şöbəsinin narkotiklərlə mübarizə qrupunun baş əməliyyat müvəkkili Elçin Talıbov, həkim-narkoloq Gündüz Xudaverdiyev və başqaları çıxış ediblər. Onlar bəşəriyyətin ən böyük bəlalarından olan narkomaniyanın və bu kimi digər zərərli vərdişlərin fəsadlarından, gənc nəslin sağlamlığı üçün yaratdığı təhlükədən, onunla mübarizə yolundan danışıblar. Bildirilib ki, narkomaniyaya qarşı cəmiyyətin bütün üzvləri mübarizə aparmalı, yeniyetmə və gənclər arasında maarifləndirmə tədbirləri mütəmadi xarakter almalıdır.

İştirakçılara Bərdə rayon mədəniyyət və turizm şöbəsinin, turizm informasiya mərkəzinin və gənc mədəniyyət işçilərinin koordinasiya kreativ qrupu üzvlərinin birgə hazırladıqları “Gəncliyimizi qoruyaq, narkomaniyaya yox deyək” adlı maarifləndirici materiallar paylanıb.

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR