SON DƏQİQƏ

Bu gün Bakı Ağır Cinayətlər Məhkəməsində keçmiş həyat yoldaşını öldürməkdə təqsirli bilinən 1985-ci il təvəllüdlü Səbinə İmanovanın cinayət işi üzrə məhkəmə prosesi keçirilib.

EMTV,az xəbər verir ki, hakim Rauf Əliyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məlum olub ki, S.İmanova bundan qabaq narkotik maddələrin qanunsuz dövriyyəsində təqsirli bilinərək məhbusluq həyatı yaşayıb.

Məhkəmə baxışı aprelin 25-nə təyin edilib.

Qeyd edək ki, qətl keçən il Nəsimi rayonunda baş verib. S.İmanova keçmiş ərini nənəsigilə qonaq çağırıb. Onlar birlikdə spirtli içki qəbul ediblər. Sonra onlar arasında qısqanclıq zəminində mübahisələr yaranıb. Bu zaman S.İmanova bıçaqla keçmiş ərini qətlə yetirib. Ona Cinayət Məcələsinin 120-ci (qəsdən adam öldürmə) maddəsi ilə ittiham irəli sürülüb.