SON DƏQİQƏ

İstehlak bazarında baş verə biləcək sui-istifadə halları və süni qiymət artımı cəhdlərinin qarşısının alınması üçün yaradılmış komissiya üzvlərinin iştirakı ilə Tərtər şəhərindəki ticarət obyektlərində, pərakəndə satış mağazalarında, çörəkbişirmə sexlərində, taxıl bazarında reydlər keçirilib.

"EMTV.az" xəbər verir ki, Tərtər Rayon İcra Hakimiyyətindən verilən məlumata görə, reyd zamanı sahibkarlarla, satıcılarla un və un məmulatlarının, taxılın və digər ərzaq məhsullarının qiymətlərinin qanunamüvafiq qaydada tənzimlənməsinə riayət olunması, sui-istifadə hallarına yol verilməməsi ilə bağlı maarifləndirici söhbətlər aparılıb. Çörəyin çəkisi və qiymətində aşkar olunan nöqsanlar komissiya tərəfindən aradan qaldırılıb, eyni zamanda, ərzaq məhsullarının keyfiyyətinə də nəzarət artırılıb.

Reydlər bundan sonra da müntəzəm olaraq davam etdiriləcək.