SON DƏQİQƏ

“Hamı müğənniyə hər sözü deyə bilər? Bu yaxınlarda hansısa şəklin altında fikrimi yazmışdım. Guya izləyicilərimi təhqir etmişəm. Mən o sözləri ünvanıma nalayiq ifadələr işlədənə demişəm, hamıya yox”.

"EMTV.az" xəbər verir ki, bu sözləri müğənni Xatirə İslam mətbuata açıqlamasında deyib. Sənətçi sosial şəbəkədə izləyicilərin təhqirinə sərt reaksiya göstərdiyi üçün onu qınayanlara cavab verib:

“Müğənni ancaq qulaq asmalıdır və susmalıdır? Müğənni heç kimə cavab verməməlidir? Bu hansı kitabda yazılıb? Mənə birin desələr, ikisin söyləyəcəm. Ağzına gələni yazana cavab verəcəm. Bizi pisləyirlər, deyirlər, “Müğənni pisdi, əxlaqsızdı, pis yolla pul qazanırlar”. Sonra da deyirlər, “Uşağım xəstədi, ona kömək et”. Niyə o əxlaqsızın pulunu istəyirsiniz, qəbul etməyin da? Söz vermişəm heç bir şərhi oxumayacam, heç nə yazmayacam. Onsuz insanlar müğənnilərin şəklinə baxırlar. Mən də ancaq foto paylaşacam”.

X.İslam oğlu Emilin müğənni olmasına icazə verməyəcəyini deyib:

“Həmişə uşaqlarının müğənni olmasını istəməyənləri qınayırdım. Amma indi onlarla eyni fikirdəyəm. Mən də qoymaram övladım müğənni olsun. Belə şərhlərlə onu əsəbiləşdirməsinlər. Getsin atası kimi mayor, hərbçi olsun”.