05 yan 16:18Oxunub: 480 |

BAKIDA DƏHŞƏTLİ QƏTL

BAKIDA DƏHŞƏTLİ QƏTL
Bakıda 19 yaşlı gənc qətlə yetirilib. Hadisə Binəqədi rayonu ərazisində qeydə alınıb.
Qətli törədən şəxs daha bir nəfəri bıçaqlayıb


"EMTV.az" xəbər verir ki, Binəqədi Rayon Prokurorluğundan verilən məlumata görə, Binəqədi rayonunun DSK ev tikinti kooperativi yolunun üzərində qətlə yetirilmiş kişi cəsədi aşkarlanıb.

Polis və prokurorluq əməkdaşlarının apardıqları araşdırmalar nəticəsində meyitin 1997-ci il təvəllüdlü Murad Aslan oğlu Hüseynova məxsus olduğu müəyyən edilib.

Elə həmin gün 1982-ci il təvəllüdlü Rövşən Ağahüseyn oğlu Ağayevin də bıçaq xəsarətləri ilə xəstəxanaya yerləşdirilməsi hüquq-mühafizə orqanı əməkdaşlarında şübhə yaradıb və aparılan əməliyyat-istintaq tədbirləri nəticəsində qətli və bıçaqlamanı törətməkdə şübhəli bilinən, 1992-ci il təvəllüdlü İlqar Arif oğlu Əhmədov tutulub.

Faktla bağlı Binəqədi Rayon Prokurorluğunda Cinayət Məcəlləsinin 120.1-ci (qəsdən adam öldürmə) və 29,120.2.7-ci (iki və daha artıq şəxsi öldürməyə cəhd) maddələri ilə cinayət işi başlanıb, araşdırmalar davam etdirilir.

Paytaxt ərazisində dünən də qətl hadisəsi qeydə alınıb. Səbail rayonu, Bülbül prospektində yerləşən “Kofein-klub”da 25-30 yaşlı kişi kəsici-deşici alətlə yetirilməyə xarakterik xəsarətlər alaraq, xəstəxanaya aparılarkən yolda vəfat edib.

Polis və prokurorluq əməkdaşlarının birgə həyata keçirdiyi istintaq-əməliyyat tədbirləri nəticəsində qətlə yetirilən şəxsin 1989-cu il təvəllüdlü Tural Abbasov olması müəyyən edilib. “İsti izlər”lə aparılan əməliyyat-axtarış tədbirləri nəticəsində hadisəni törətməkdə şübhəli bilinən 1980-ci il təvəllüdlü Sadiq Fətullayev tutulub
Məşədi Faiq ƏHMƏDOV-BAŞ YAZAR
Əziz və Dəyərli Qızım ƏSMA! - Faiq ƏHMƏDOV
Əziz və Dəyərli Qızım ƏSMA! - Faiq ƏHMƏDOV
Oxunub: 923
XƏBƏR LENTİ

Reklam
Məzənnə