SON DƏQİQƏ

22:44 - Regionlarda həyata keçirilən "Azərbaycanda həssas əhali qruplarına ünvanlanmış sosial-humanitar siyasətin təbliği" layihəsinin növbəti İctimai Müzakirəsi Xaçmazda keçirildi-Fotolar

17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar

17:55 - “Miqrasiya Prosesləri” İctimai birliyi Almaniyanın Hamburq şəhərində yaşayan Azərbaycanlılar icmaları ilə görüşü baş tutub

20:20 - Regionlarda Növbəti İctimai-Sosial Müzakirələr Başladı –Fotolar

19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar

20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR

19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR

15:54 - Azərbaycan Qeyri-Hökumət Təşkilatları Bəyanat Verdi: Azərbaycanın İrandakı Səfirliyinə Olunan Terror Hadisəsinə Qiymət Verilməsini Tələb Edirik

16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə

19:29 - YYSİB “Biznes-motivasiya: gənclər üçün innovativ-kreativ peşə və ixtisasların təbliği” layihəsinu uğurla reallaşdırır

21:02 - Təşkilat sədri Faiq Əhmədov Dünya Azərbaycanlılarına, Şəhidlərimizin Ailə Üzvlərinə və Qazilərimizə Təbrik Məktubu Ünvanlayıb-FOTOLAR

20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!

22:18 - Faiq ƏHMƏDOV: Tələblərimiz yerinə yetirilməyənə qədər mütəmadi olaraq aksiyalarımızı davam etdirəcəyik-VİDEO-FOTOLAR

00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar

19:29 - Xaçmazda tədbir

emtv.az
 Valyuta məzənnəsi

Pakistan mətbuatı: “İlham Əliyev: Biz mədəni və tarixi irsimizlə fəxr edirik”

23-12-2015, 13:48 | Oxunub: 8 684 |

 Pakistan mətbuatı: “İlham Əliyev: Biz mədəni və tarixi irsimizlə fəxr edirik”
Pakistanın “Centreline” jurnalı və “Diplomatic News Agency” informasiya agentliyi tanınmış jurnalist, NATO və Qafqaz üzrə mütəxəssis Mubasşar Əhməd Battinin “İlham Əliyev: Biz mədəni və tarixi irsimizlə fəxr edirik” sərlövhəli məqaləsini yayıb.

Məqalədə 2015-ci ilin iyun ayında Azərbaycanda keçirilən birinci Avropa Oyunlarından bəhs olunur. Bildirilir ki, bu mötəbər yarışlarda altı min idmançı iştirak edib, Azərbaycan idmançılarının oyunlarda ikinci yer tutmaları isə sözün əsl mənasında hamı üçün gözlənilməz olub.

Materialda bu gün Azərbaycanın beynəlxalq aləmdə özünəməxsus yer tutduğu bildirilir. Deyilir ki, ölkənin bütün təşəbbüsləri regional əməkdaşlığın gücləndirilməsinə istiqamətlənib. Qeyd olunur ki, öz enerji təhlükəsizliyini tam təmin edən Azərbaycan bu gün Avropanın enerji ilə təmin olunması istiqamətində irimiqyaslı layihələr həyata keçirir.

Azərbaycanın beynəlxalq aləmdə oynadığı rol dünya ictimaiyyəti tərəfindən yüksək qiymətləndirilir və məhz buna görə də Azərbaycan 155 ölkənin dəstəyini əldə edərək iki il müddətində BMT Təhlükəsizlik Şurasının qeyri-daimi üzvü olub.

Yazıda Azərbaycan rəhbərliyinin siyasi və iqtisadi islahatları paralel aparması uzaqgörən addım kimi qiymətləndirilir. Deyilir ki, məhz buna görə bu gün Azərbaycanda bütün fundamental azadlıqlar təmin edilib.

M.Ə.Batti Azərbaycan rəhbərliyinin apardığı iqtisadi siyasəti möcüzə adlandırıb. Jurnalist Azərbaycanın bu uğurlarını ümummilli lider Heydər Əliyevin və onun siyasi xəttinin layiqli davamçısı İlham Əliyevin adı ilə bağlayır.

Məqalədə məhz İlham Əliyevin prezidentliyi dövründə Azərbaycanın Cənubi Qafqaz regionunda lider dövlətə çevrildiyi, Davos İqtisadi Forumunun məlumatına görə ölkənin qlobal rəqabətə davamlılığına görə 38-ci sırada yer aldığı əksini tapıb.

Yazıda Azərbaycanın karbohidrogen ehtiyatlarının şaxələnmiş boru kəmərləri vasitəsilə dünya bazarına çıxarılması haqqında məlumat verilir, neft və qazdan əldə olunan gəlirin Neft Fondunda cəmləşdiyi vurğulanır.

M.Ə.Batti ölkədə nəqliyyat-kommunikasiya sektorunun inkişaf etdiyini, Bakı–Tbilisi-Qars nəqliyyat dəhlizinin iqtisadi və siyasi əhəmiyyətini diqqətə çatdırır, Çinin irəli sürdüyü qədim İpək Yolu üzrə iqtisadi zolağın yaradılması təşəbbüsünün Azərbaycan tərəfindən dəstəkləndiyini vurğulayır.

Məqalədə Prezident İlham Əliyevin sosial və humanitar sahənin inkişafına böyük diqqət yetirdiyi qeyd olunur, yoxsulluq və işsizliyin 5 faizə qədər azaldığı nəzərə çatdırılır. Azərbaycan Prezidenti İlham Əliyevin “qara qızılı insan kapitalına çevirək ” konsepsiyasının özünü doğrultduğu, yüzlərlə azərbaycanlı gəncin dünyanın aparıcı ali məktəblərində təhsil aldığı, elmin və səhiyyənin inkişaf etdiyi diqqətə çatdırılır.

Yazıda Azərbaycanın dünyada artmaqda olan nüfuzunun 2012-ci ildə “Eurovision” kimi mötəbər mahnı müsabiqəsinin, 2015-ci ildə Birinci Avropa Oyunlarının baş tutması, gələn il “Formula-1” üzrə Avropa Qran-pri, 2017-ci ildə İslam Həmrəylik Oyunları, futbol üzrə Avropa Kuboku kimi yarışların keçirilməsinə zəmin yaratdığı bildirilib.

Məqalədə Ermənistan-Azərbaycan, Dağlıq Qarabağ münaqişəsindən bəhs edilir, Azərbaycan Prezidenti İlham Əliyev tərəfindən bu məsələnin sülh yolu ilə həlli istiqamətində göstərilən səylər haqqında danışılır.

M.Ə.Batti məqalədə Azərbaycan Prezidenti İlham Əliyevin apardığı siyasətin xalq tərəfindən dəstəkləndiyini, bu ilin noyabr ayında keçirilmiş parlament seçkilərində hakim partiyanın qalib gəlməsini bunun sübutu kimi dəyərləndirir.

Azərbaycanın Pakistan ilə münasibətləri haqqında məlumat verən müəllif bildirir ki, Prezident İlham Əliyev bu məsələyə xüsusi diqqət yetirir.

Jurnalist yazır ki, ölkələrimiz bir-birinin mövqeyini tam dəstəkləyir, bu il Pakistan Prezidenti Məmnun Hüseynin Azərbaycana səfəri və imzalanan sənədlər, keçirilən biznes forum bu əlaqələrin inkişafına öz töhfəsini verir.

Məqalənin sonunda qeyd edilir ki, Prezident Məmnun Hüseynin səfəri çərçivəsində Azərbaycanın birinci xanımı, Heydər Əliyev Fondunun prezidenti Mehriban Əliyevanın Pakistanın ali “Hilal-e-Pakistan” ordeni ilə təltif olunmasını Mehriban Əliyevanın bu ölkədə həyata keçirdiyi layihələrlə yanaşı, Pakistanın Azərbaycan xalqına olan böyük sevgisinin nəticəsi kimi də qiymətləndirmək olar.

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR