SON DƏQİQƏ

“Bu gün səhər saatlarından Bakının mərkəzində başlayan qaz qoxusu Bakı şəhərinin Xətai və Səbael rayonunun bir ərazisini əhatə edib”.

Bu barədə Ekologiya və Təbii Sərvətlər Nazirliyindən məlumat verilib.

Bildirilib ki, Paytaxta müşahidə edilən qaz qoxusu hadisəsi metroloji şəraitlə bağlı olub. Bakı şəhərinin digər yerlərində Nazirliyin 9 müşahidə məntəqəsi var. Onların heç birində çirklənmə, yaxud şəhərin qaz qoxusu ilə dolması qeydə alınmayıb. Sadecə olaraq 3 gün ərzində zəif küləklər dəyişkən istiqamətdə küləklər olub. Nəticədə tullantı mənbələrinin səpələnməsinə imkan yaranmayıb.

Qeyd edilib ki, hadisə zamanı nisbi rütubət çox yüksək olub: "Gecə temperaturu aşağı, gündüz rütubəti isə isti olduğundan hava şəraiti səhər saatlarında qaz iyi ilə müşahidə olunub. Bizim 3 dəfə apardığımız nümunələrdə hər-hansı zərərli qazın artımı qeydə alınmayıb. Sadəcə vəziyyət qaz iyi ilə müşahidə olunub. Bu gün axşama qədər şimal küləyi güclənəcək və 1 saat yarım əzində həmin qoxudan əlamət qalmayacaq."

"Hava temperaturunun qalxması nəticəsində qaz oynaqlığı yaranıb. Səhər saatlarında bu iy hiss olunurdu, hazırda qaz qoxusu hiss olunmur. Əsasən nəfəs borusunda problemi olanlar, astma xəstəliyi olan insanlarda bu hadisə problem yarada bilər. Lakin bu, o demək deyil ki, qoxunun tərkibində hansısa zərərli qaz qarışığının miqdarı çoxdur. Sadəcə hadisə qoxu ilə müşaiyət olunub", – Nazirlikdən bildirilib.

Xatırladaq ki, bu gün səhər saatlarından başlayaraq Bakının mərkəzində qaz qoxusu hiss olunmağa başlayıb.