SON DƏQİQƏ

Azərbaycan Respublikasının Prezidenti yanında Gənclər Fondunun dəstəyi ilə “Saz milli sərvətimizdir” adlı müsabiqəyə start verilib.

"EMTV.az" xəbər verir ki, bu barədə AZƏRTAC-a məlumat verən layihənin rəhbəri Sevinc Nəcəfova deyib ki, ilkin olaraq seçim turu keçiriləcək, müsabiqədə iştirak edəcək gənc aşıqlar seçiləcək. Müsabiqənin münsiflər heyətində layihəyə könüllü dəvət olunmuş ustad aşıqlar təmsil olunacaq.

S. Nəcəfova qeyd edib ki, müsabiqədə 14- 29 yaş arasında olan 20 gənc aşıq iştirak edəcək. Layihəmizin məqsədi sazın milli sərvətimiz olduğunu bir daha gənclərə aşılamaq, onlarda vətənpərvərlik ruhunun yüksəldilməsində sazın rolunu təbliğ etmək və gənclərin milli- mənəvi dəyərlərimizə münasibətini müəyyənləşdirməkdən ibarətdir.

Bildirilib ki, layihə Bakı şəhərində keçiriləcək.