SON DƏQİQƏ

emtv.az
 Valyuta məzənnəsi

PREZİDENTİN BANKİRİ HƏBS OLUNUR

4-12-2015, 16:41 | Oxunub: 1306 |

PREZİDENTİN BANKİRİ HƏBS OLUNUR

Ali London məhkəməsi “Putinin bankiri” adı ilə tanıdan Sergey Puqaçovun həbsinə order verib.


"EMTV.az" Avropa.info-a istinadən xəbər verir ki, vaxtilə Rusiya prezidenti ilə çox yaxın olan bu adam sonradan Kremllə savaşa girib. O, Moskvanı biznes imperiyasını ələ keçirməkdə ittiham edərək, 12 milyard dollar dəyərində təzminat iddiası irəli sürmüşdü.

Rusiya prokurorluğu Puqaçovu vergiödəyicilərinin pullarını mənimsəməkdə ittiham edir. O, ittihamları rədd edərək bildirir ki, Putinlə araları dəyəndən sonra bu ittiham onun aktivlərini ələ keçirmək üçün işlədilib.

Rusiya Sığorta Əmanətləri Agentliyinin sorğusu əsasında Britaniya məhkəmələri Puqaçovun beynəlxalq aktivlərinin dondurulması haqda qərar çıxarıb. O, sahib olduğu Rusiya və Fransa pasportlarını təhvil verməli, istintaqın sonunadək Böyük Britaniya ərazisində qalmalıdır.

Puqaçovla bağlı məhkəmə dinləməsi 7 dekabrda keçirilməlidir. Məhkəməyə gəlməyəcəyi təqdirdə onu 2 il həbs cəzası gözləyir.

Puqaçova gələn məhkəmə bildirişində isə onun iyun ayından gizləndiyi bildirilir. “Putinin bankiri”nin vəkili isə bildirib ki, ona qarşı sui-qəsd planlaşdırıldığı üçün Londona gələ bilməyəcək.

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT
FOTOLAR
XƏBƏR LENTİ
BÜTÜN XƏBƏRLƏR