SON DƏQİQƏ

emtv.az
 Valyuta məzənnəsi

Komitə sədri məcburi köçkünləri qəbul edib

3-07-2019, 13:36 | Oxunub: 6 531 |



İyulun 2-də Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev vətəndaşların növbəti qəbulunu keçirib.

Emtv.az yerli KİV-ə istinadən xəbər verir ki, qəbulda Bakı şəhəri və ətraf rayonlarda müvəqqəti məskunlaşmış, əvvəlcədən qəbula yazılmış 40-dan çox vətəndaş iştirak edib. Onların əksəriyyətini məcburi köçkünlər təşkil edib

Müraciətlər, əsasən, kommunal xidmətlər, mənzil-məişət şəraitinin yaxşılaşdırılması, vahid aylıq müavinət, məşğulluq və zəbt olunmuş evlərlə bağlı olub.

Məlumat verilib ki, məcburi köçkünlərin problemlərinin həllini sosial siyasətin prioritet istiqamətlərindən biri müəyyən edən Prezident İlham Əliyev onların mənzil-məişət şəraitinin yaxşılaşdırılması, maddi rifah halının yüksəldilməsini daim diqqət mərkəzində saxlayır, bu istiqamətdə verilən tapşırıqlar ardıcıl icra olunur.

Qeyd edək ki, birinci vitse-prezident Mehriban Əliyevanın tapşırığı əsasında hələ də qəzalı və həyat üçün təhlükəli şəraitdə yaşayan məcburi köçkünlərin birinci növbədə köçürülməsi ilə bağlı işlər intensivləşib.

Xatırladaq ki, qəbul zamanı səsləndirilən bütün müraciətlər qeydə alınıb. Onların araşdırılması üçün müvafiq şöbələrə tapşırıqlar verilib.

Aynurə Kərimova,
Emtv.az.

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR