SON DƏQİQƏ

emtv.az
 Valyuta məzənnəsi

Naxçıvanda qadın hərbi qulluqçular xidmətə başlayıb - FOTOLAR

2-07-2019, 17:57 | Oxunub: 1 938 |



Əlahiddə Ümumqoşun Ordunun Naxçıvan Qarnizonunda qadın hərbi qulluqçuların da cəlb edildiyi növbəti kursların uğurla başa çatması münasibəti ilə buraxılış mərasimi keçirilib.

Emtv.az xəbər verir ki, Buraxılış mərasimində çıxış edənlər gizir, müddətdən artıq həqiqi hərbi xidmət hərbi qulluqçusu və qadın hərbi qulluqçu kurslarını bitirən gənclərə xidmətlərində uğurlar arzulayıblar.

Naxçıvan Qarnizonunun rəisi, general-leytenant Kərəm Mustafayevin təbriki şəxsi heyətə çatdırılıb. General-mayor Teymur Eyyubov peşəkar hərbçi kadrların hazırlanması məqsədilə Naxçıvan Qarnizonunda müxtəlif ixtisas kurslarının təşkil olunduğunu vurğulayıb.

Sonra kursları müvafiq olaraq 1-ci, 2-ci və 3-cü yerdə başa vuran məzunlara sertifikat və hədiyyələr təqdim edilib. Həmçinin nümunəvi xidməti ilə fərqlənən hərbi qulluqçular da mükafatlandırılıblar.

Sonda Xatirə lövhələrinə buraxılış emblemləri vurulub və məzunların tribuna önündən təntənəli keçidi olub.

Məzunlarla xatirə şəkli çəkdirilib.

Mərhəmət Lələyev
Emtv.az

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR