SON DƏQİQƏ

emtv.az
 Valyuta məzənnəsi

Yollara yeni nişanlar qoyulacaq

27-06-2019, 14:49 | Oxunub: 5 628 |

Yollara yeni nişanlar qoyulacaq

Ölkədə yol hərəkətinin nizamlanması üçün əlavə iki nişan da tətbiq ediləcək.

Emtv.az xəbər verir ki, bununla bağlı “Yol hərəkəti haqqında” qanuna dəyişiklik edilir.

Parlamentin bugünkü iclasına çıxarılan qanun layihəsi barədə komitə sədri Əli Hüseynli məlumat verib.

Dəyişikliyə əsasən, qanunun 5 saylı Əlavəsinin “1. Üfüqi nişanlanma qrupu”na yeni “1.25. Nişanlanma xətti” (“sarı kəsişmə toru”) təklif olunur.

Layihədə bildirilir ki, yolayrıcların “sarı kəsişmə toru” ilə işarələnməsi həm də sürücülərin bu qaydaya daha ciddi riayət etməsinə, həm də bu sahədə törədilən inzibati xəta hallarının xüsusi texniki vasitələrin köməyi ilə aşkar edilməsinə, müvafiq cərimələrin tətbiq edilməsinə imkan verəcək və yolayrıclarında yol-nəqliyyat hadisələrinin baş vermə ehtimalını azaldacaq.

Təklif olunan növbəti nişanlardan biri isə “5.53. Daimi sağa dönmə” nişanıdır. Svetoforun qırmızı işıq bölməsinin sağında (üfüqi yerləşdirilən svetoforda qırmızı işıq bölməsinin solunda) quraşdırılan 5.53 nişanı bu yolayrıcında svetoforun siqnallarından asılı olmayaraq manevr qaydalarına (Başqa istiqamətlərdən gələn gələn nəqliyyat vasitələrinə, habelə dönməyə başladığı və dönəcəyi yolların hərəkət hissəslərini keçməkdə olan və hərəkətinə icazə verilən piyadalara yol verilməlidir) riayət etməklə sağa dönməyə icazə verildiyini bildirir.

Təqdim edilən layihədə yol hərəkətinin səmərəli şəkildə təşkil edilməsi və yol hərəkəti iştirakçılarının təhlükəsizliyinin daha da etibarlı şəkildə təmin edilməsi üçün mühüm müddəalar nəzərdə tutulub.

Mərhəmət Lələyev,
Emtv.az

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR