SON DƏQİQƏ

emtv.az
 Valyuta məzənnəsi

Hisə verilmiş balıqlarla bağlı xəbərdarlıq edildi

11-06-2019, 10:14 | Oxunub: 2583 |

Hisə verilmiş balıqlarla bağlı xəbərdarlıq edildi

Avropanın Ərzaq Təhlükəsizliyi Agentliyi (EFSA) Estoniya istehsallı hisə verilmiş somon və forel (alabalıq) balığının tərkibində həyati təhlükə yaradan listeriya infeksiyası aşkar edib. Emtv.az yerli KİV-ə istinadən bildirir ki, artıq bu səbəbdən beş nəfər həyatını itirib.

EFSA Estoniyadan bu balıq növünü idxal edən ölkələrə artıq rəsmi xəbərdarlıq göndərib. İndiyədək 22 yoluxma faktı qeydə alınıb ki, onlardan da beşi ölümlə nəticələnib. Ən çox yoluxma faktı Danimarkada aşkarlanıb.

Bakteriyanın mənbəyi aşkarlanmayıb. Böyük ehtimalla mənbə balıqların hisə verildiyi zavodlardan birindədir.

Listeriya infeksiyasını çiy məhsulların tərkibindəki konkret mikroblar törədir. İnfeksiyanın əlamətləri qızdırma, başağrısı, titrətmə, qusmadır. Vaxtında aşkarlanmış infeksiyanın nəticələri güclü antibiotiklərlə aradan qaldırıla bilər.

Sevinc Əlimova
Emtv.az

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR