SON DƏQİQƏ

Dövlət Gömrük Komitəsi mütəmadi olaraq açıqlamalar yayıb, gömrükdə şəffaflığın tam olaraq təmin olunduğunu bildirsə də, vətəndaşların gömrük orqanları ilə bağlı şikayətləri günü-gündən artır.

Emtv.az xəbər verir ki,belə şikayətlərdən biri bu günlərdə vətəndaş Paşayev Fəxrəddin Çoban oğlu tərəfindən yerli KİV-lərə ünvanlanıb.

Fəxrəddin Paşayev bildirib ki, mayın 1-də Gürcüstandan alınan “Ford Fusion” avtomobilinin rəsmi qeydiyyatı üçün ondan 902 manat rüşvət alınıb. Belə ki, buraxılış ili 2013 olan avtomobili 5500 dollara alan vətəndaş DGK-nin rəsmi internet saytından “Xaricdən Azərbaycana gətirilən minik avtomobillərinin gömrük rüsumunun hesablanması cədvəli”ndə sözügedən maşının 4461,90 manat rüsum haqqı olduğunu hesabladığını deyir. Lakin avtomobil gömrükdən keçərkən Abbas adlı komitə işçisi ondan 5295 manat tələb edir. Vətəndaş haqqını müdafiə etməyə çalışsa da, bacarmır və kassaya tələb olunan məbləği ödəmək üçün yaxınlaşdıqda 68 manat da vergi haqqı ilə qarşılaşır.

Daha sonra qaynarinfo onu da qeyd edib ki,şikayətçi tələb olunan bütün məbləğləri ödəsə də, məsələnin ictimailəşdirilməsini və bu kimi halların aradan qaldırılmasını tələb etdiyini bildirir.

Sevinc Əlimova
Emtv.az