17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Sürüşmə zonasında yerləşən Lənkəran-Lerik yolu yenidən qurulur
Yay aylarında istirahət üçün üz tutduğumuz cənub bölgəsində əsas və aktiv sürüşmə ərazilərində olan Lənkəran-Lerik yolunda tikinti işləri davam etdirilir. Emtv.az yerli mətbuata istinadən xəbər verir ki, yolun tam istifadəyə verilməsi isə gələn ilin sonuna nəzərdə tutulub.
Uzun illərdir Lənkəran-Lerik yolunda sürüşmə və uçqunlar avtonəqliyyatın hərəkəti üçün təhlükə törədirdi. Torpaq qatının yuyulması səbəbindən irigövdəli ağacların aşması yolun saatlartla iflic olmasına gətirib çıxarırdı. Artıq bu halların qarşısını almaq məqsədilə uzunluğu 55 km olan yolda keçən ilin sentyabrından genişmiqyaslı işlər aparılır. Xüsusilə də yolda sürüşmə və uçqunların qarşısını almaq üçün istinad divarları tikilir. Hündürlüyü 4-5 metrə çatan istinad divarlarının təməlinin eni 1m 70 sm, hündürlüyü isə 50 smdir.
Bundan başqa, Lənkəran-Lerik yolunun bir neçə nöqtəsində sürüşmə əraziləri mövcud olduğu üçün burada yol yatağının əlavə bərkidilməsi işləri görülür. 3 yerdə isə sahilbərkitmə işləri aparılır. 9 ədəd körpünün 5-i tam təmir olunub. İstismara yaramayan suötürücü borular yenisi ilə əvəz edilir, zəruri olan yerlərdə yeniləri quraşdırılır. 53 yerdə suötürücü qurğular tikilir. Telekomnikasiya xətləri bərpa edilir, İşıq dirəkləri yenisi ilə əvəz olunub.Yolun yenidən qurulmasından, genişləndirilməsindən ən çox sevinənlər isə təbii ki sürücülərdir.
İki hərəkət zolağı olmaqla 3-cü texniki dərəcəyə uyğun olaraq yenidən qurulan yolun eni 12 metr nəzərdə tutulub ki, bunun da 7 metrini asfalt-beton örtüyü təşkil edəcək. Yol infarstrukturunin yüksək səviyyədə qurulması üçün 350 nəfər işçi qüvvəsi çalışır. Yeni yol Lerikin turizm əhəmiyyətini daha da artıracaq və bu sahənin daha da inkişaf etməsinə imkan yaradacaq. Keçən ilin sentyabrından təmir edilən yol 2020-ci ilin sonlarında əhalinin istifadəsinə veriləcək.
Mərhəmət Lələyev
Emtv.az