SON DƏQİQƏ

Emtv.az yazır ki, 1994-cü ildən Beyləqan şəhəri 20 yanvar küçəsində şəhər zibil poliqonu mövcuddur. Poliqon şəhərin böyük bir hissəsində əhalin səbrini dözülməz hala çatdırıb. Axşamlar bu küçədə çox pis qoxu olur.

Şikayətçilər yazır ki, 2018 -ci ilin 17 fevralında məhəllə ağsaqalları kömək üçün Beyləqan şəhər icra hakimiyyətinə və rayon icra nümayəndəliyinə müraciət ediblər. Həmin vaxtdan Beyləqan şəhərində qanunsuz fəaliyyət göstərən bu poliqonun ləğvi üçün əhali bir çox yerlərə müraciət edib. Başı başqa işlərə qarışan keçmiş icra başçısı Vaqif Abdullayev bu məsələyə biganə yanaşıb. Məhəllə sakinlərinin müraciət etdikləri müvafiq nazirliyin əməkdaşları isə sadəcə ümidverici vədlər verib.

Bütün bunlardan cana doyan camaat nəhayət rayon camaatı Beyləqana yeni təyin edilmiş İcra hakimiyyəti başçısı cənab Asif Ağayevə problemlərini bildiriblər. Amma bu dəfə də məhəllə sakinlərinə köməklik edən olmayıb.

Daha sonra conflict.az onu da qeyd edib ki,onların bildirdiklərinə görə şikayətçilərə yalan vədlər verilib, onları get-gələ salıblar. Hal-hazırda 20 yanvar küçəsi və ətraf küçələr pis qoxunun əlindən yaşanmaz haldadır.

Qarşı tərəfi dinləməyə hazırıq!

Sevinc Əlimova
Emtv.az