SON DƏQİQƏ

"Esma Media TV" İnternet Kanalı "Vətən Saatı" və "Fədakarlıq Məktəbi" adlı iki yeni verilişin yayımına start verir



“Azərbaycanın Səsi” İctimai Birliyinin ofisində Birliyin sədri, yazıçı-publisist, xeyriyyəçi məşhədi Faiq Əhmədovla “Dövlət və Qanun” qəzetinin baş redaktoru Yasəmən Möhübbətqızı və yazıçı-publisist Azər Hacıbəyli arasında görüş keçirilmişdir.

Emtv.az xəbər verir ki, görüş zamanı “Azərbaycanın Səsi” İctimai Birliyinin sədri məşhədi Faiq Əhmədov "Dövlət və Qanun" qəzetinin vətənpərvərlik mövzusunda tez-tez kecirdiyi tədbirlərdən söz açmışdır.

Bu tədbirlərin təşkilini yüksək qiymətləndirən Faiq müəllim gənclərə və tələbələrə verilən önəmə, eləcə də göstərilən dəstəyə görə Yasəmən xanıma öz dərin təşəkkürünü bildirmişdir.

Həmçinin F.Əhmədov "Dövlət və Qanun" qəzetinin daha da inkişaf edərək, maliyyə asılılığından azad olmasının vacibliyini vurğulamışdır. İctimai Birlik sədrinin fikrincə belə qəzetlər gənclərin maarifləndirilmələri məqsədilə onlara təmannasız paylanmalıdır.

Söylədiyi fikirlərə görə Faiq Əhmədova minnətdarlığını bildirən “Dövlət və Qanun” qəzetinin baş redaktoru Yasəmən Möhübbətqızı qeyd etmişdir ki, hal-hazırda bu qəzetin dərci bütünlüklə baş redaktorun şəxsi vəsaitləri hesabına təmin olunur.

Bunun müqabilində də hər tirajın müəyyən sayda nüsxələri həqiqətən də gənclər və tələbələrə təmannasız olaraq paylanır.

Bu da təbii ki, gənc nəslin maarifləndirilməsi məqsədilə həyata keçirilir.

Daha sonra görüş əsnasında günümüzün bir sıra aktual mövzuları müzakirə olunmuşdur.

Öz növbəsində Yasəmən Möhübbətqızı “Azərbaycanın Səsi” İctimai Birliyi tərəfindən keçirilən xeyriyyə tədbirlərindən bəhz etmiş, bu kimi aksiyaların vacibliyini qeyd etmiş və belə tədbirlərin mütəmadi olaraq təşkilinə görə Faiq Əhmədova minnətdarlığını bildirmişdir.

Daha sonra yazıçı-publisist Azər Hacıbəyli ilə Faiq Əhmədov arasında vətənpərvərlik movzusunda fikir mübadiləsi aparılmış, bəzi konkret təkliflər muzakirə edilmişdir.

Sonda bu müzakirələrin məhsuldar nəticəsi olaraq qərara alınmışdır ki, "Azərbaycanın Səsi" İctimai Birliyinə məxsus olan "EsmaMedia TV" İnternet Kanalının studiyasında vətənpərvərlik mözlularında "Vətən saatı" və "Fədakarlıq məktəbi" adlı iki yeni verilişin çəkilişlərinə start verilsin.

Qeyd edək ki, hər iki verilişin çəkilişi və yayımı "Azərbaycanın Səsi" İctimai Birliyinin baş sponsorluğu ilə həyata keçiriləcək.

Faiq müəllim fürsətdən istifadə edərək Azər Hacıbəylini doğum günü münasibəti ilə səmimi qəlbdən təbrik etmişdir.

Sonda görüş iştirakçıları xatirə şəkilləri çəkdirmişlər

"Azərbaycanın Səsi" İctimai Birliyinin "İctimaiətlə Əlaqələr Şöbə"sinin müdiri
Nəzrin Abbaszadə.
Foto:Seymur Rəhimov
Emtv.az