SON DƏQİQƏ

Azərbaycan Dəmir Yolları” QSC-yə 10 milyon dollara məsləhət satan şirkətin adı“Auxitec Tecnica Y Control SA” deyil, "TPF Getinsa Euroestudios” şirkətidir.

Emtv.az xəbər verir ki,bu barədə yerli mətbuata işgüzar dairələrdən məlumat verilib. Verilən məlumatda bildirilir ki, tenderin qalibi "TPF Getinsa Euroestudios” olsa da, tenderin əsas qalibi kimi ölkə KİV-lərində “Auxitec Tecnica Y Control SA” şirkətinin adı keçib. “Auxitec Tecnica Y Control SA” şirkəti Bakı-Böyük Kəsik dəmir yolu enerji təchizatı və işarəvermə sistemlərinə keçid,elektrik lokomotivlərinin alınmasına dair Texniki Nəzarət üzrə Məsləhət Xidmətləri ilə bağlı keçirilmiş tenderin tək qalibi deyil.Tenderi sözü gedən şirkət "TPF Getinsa Euroestudios”şirkəti ilə birgə udub."TPF Getinsa Euroestudios”ya gəlincə dünyaca məşhur bir şirkətdir,və işçilərinin sayı minlərlədir. "ADY"-yə də məsləhət satmaqla bərabər qrumu bəzi texniki avadanlıqla da təmin edəcək.

Eləcə də şirkət müxtəlif sahələr üzrə ixtisaslaşmış mütəxəsislərə sahibdir və dünyaca müxtəlif sahələr üzrə ixtisaslaşıb.TPF dünyanın müxtəlif ölkələrində dəmiryolları layihələri icra edir.


Daha sonra faktinfo.az onu da qeyd edib ki, TPF barəsində apardığı araşdırmasından isə məlum oldu ki,şirkət 2017-ci ilin maliyyə hesabatına görə, 242 milyon avro dövriyyəsi, 4200 işçisi olan və dünyanın 58 ölkəsində fəaliyyət göstərən transmilli şirkətdir. İş portfeli kifayət qədər diversifikasiya olunub. Dəmiryollarının tikintisi və keyfiyyətinə nəzarət üzrə beynəlxalq təcrübəyə malikdir.

Azərbaycan Dəmir Yolları” ilə əlaqə yaradıb bir neçə sualımıza aydınlıq gətirmək istəsək də,zənglərimizə cavab verilmədi."ADY"gəlincə bir neçə gündür məsələyə münasibət bildirilmir,tirajlanan təzadlı xəbərlərdən xəbərsizlərmiş kimi davranılır.

Qeyd edək ki,cəmiyyətdən “İnterfaks-Azərbaycan” agentliyinə verilən məlumat əsasında,ölkə KİV-lərində İspaniyanın “Auxitec Tecnica Y Control SA” birgə müəssisəsinin "Azərbaycan Dəmir Yolları”QSC-yə 8,261 milyon avro (9,277 milyon ABŞ dolları) dəyərində məsləhət satacağına dair xəbərlər yayılıb.

Sevinc Əlimova
Emtv.az