SON DƏQİQƏ

14:02

Əməkdar artist Hüsniyyə Mürvətova həmkarı Kəmalə Müzəffərlə aralarında gərginliyin yaranması barədə yayılan xəbərlərə aydınlıq gətirib.

Emtv.az xəbər verir ki, aktrisa yerli mətbuata bildirib ki, həmkarına hörmətlə yanaşır:

"Kəmaləylə münasibətlərimiz qaydasındadır. Sadəcə, ola bilsin ki, roldakı münasibətlərimizi o cür başa düşüblər. Kəmalənin şəxsiyyətinə də, sənətinə də böyük hörmətim var".

11:22

ATV-də ekrana gələn "Qara yazı" serialında baş rolları canlandıran əməkdar artistlər Hüsniyə Mürvətova və Kəmalə Müzəffər arasında soyuq küləklər əsir.

Emtv.az yerli mətbuata istinadən bildirir ki, onlar eyni serialda boy göstərsələr də, bir-birlərini görməyə gözləri yoxdur.

Hətta buna görə çəkiliş meydançasında aktrisaların sözü də çəp gəlir. Bu yaxınlarda isə onların arasında qalmaqal yaranıb. Buna səbəb isə Kəmalə Müzəffərin improvizəsi olub.

Belə ki, sənətçi ssenaridə olmayan sözlə həmkarı Hüsniyəyə xitab edib. Bu isə Hüsniyəni özündən çıxarıb. Nəticədə onlar arasında ciddi mübahisə düşüb.

Qeyd edək ki, onlar arasındakı soyuq münasibətin haradan qaynaqlandığı bəlli deyil.

Nəzrin Abbaszadə
Emtv.az