SON DƏQİQƏ

12:54

Əməkdar artist Rəhman Rəhmanov səhhətində yaranan problemlə bağlı danışıb.

Emtv.az bildirir ki, aktyor yerli mətbuata açıqlamasında bildirib ki, səhhətindəki problemlər 6-7 il əvvəldən başlayıb:

"Artıq 15 ilə yaxındır ki, şəkər xəstəliyindən əziyyət çəkirəm. 6-7 ildir ayağımda ciddi problemlər yaranıb.

Dəfələrlə müalicə almışam, yenə də problemlər təkrarən ortalığa çıxır.

Xəstəxanaya heç vaxt getməmişəm, getmək də istəmirəm. Yalnız evdə müalicə alıram. Çünki mənə yalnız evdə yaxşı baxa bilərlər. Həkimlərin nəzarətindəyəm. Mütəmadi olaraq, gəlib mənə sistemlər köçürür, iynələr vururlar. Axşam həkimim gəlib bir daha səhhətimi müayinə edəcək.

Ümid edirəm ki, hər şey yaxşı olar".

09:14

Abdulla Şaiq adına Dövlət Kukla Teatrının tanınmış aktyoru, əməkdar artist Rəhman Rəhmanovun səhhəti pisləşib.

Emtv.az yerli mətbuata istinadən xəbər verir ki, aktyorun ayaqları tutulub. O, hazırda ev şəraitində müalicə olunur.

Qeyd edək ki, bir neçə gün öncə 62 yaşı tamam olan əməkdar artist yüksək dərəcəli şəkər xəstəliyindən əziyyət çəkir.

Nəzrin Abbaszadə
Emtv.az