17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Astara rayonunun sitrus bağlarında naməlum xəstəlik yayılıb
Cənub mərkəzinin məlumatına görə, bir neçə gün ərzində xəstəlik rayonun Siyəkü ərazi vahidliyinə daxil olan Rinə, Təxtənəkəran, Vaqo kəndlərində 200 hektardan çox əraziyə yayılıb.
Emtv.az yerli mətbuata istinadən xəbər verir ki,kənd sakinləri bu barədə əlaqədar qurumlara məlumat veriblər.
Astara Rayon Bitki Mühafizəsi Mərkəzinin mütəxəssisləri ərazilərə baxış keçirib, bitkilərin yarpaqlarından nümunələr götürüblər. Lakin hələ ki xəstəliyin mənşəyi və törədicisi aşkar edilməyib. Bağlarda isə xəstəlik çox böyük sürətlə yayılmaqdadır. Bir gün ərzində yarpaqlarda saralma, büzüşmə baş verir, daha sonra isə budaqlara və kökə keçir.
Təsərrüfat sahibləri isə ağaclara vaxtında lazımi aqrotexniki qulluq göstərildiyini, dərmanlama, gübrələmə, budamanın vaxtında həyata keçirildiyini bildiriblər. Bəzi bağ sahibləri bu xəstəliyin hava ilə yayıldığını ehtimal edir.
Astara Rayon Bitki Mühafizəsi Mərkəzinin rəisi Fərhad Rzayev isə sitrus bağlarında müşahidə olunan vəziyyətə ilkin səbəb kimi göbələk xəstəliyini göstərib: "Siyəkü kəndində sitrus bitkilərində, əsasən də, narıngi sahələrində, ötən həftədən müşahidə olunan xəstəlik ilkin variant kimi göbələk xəstəliyidir. Amma buna baxmayaraq, daha dəqiq nəticəni bilmək üçün nümunə götürmüşük, aidiyyəti təşkilatlara göndərmişik. Çox güman ki, xəstəliyin törədicisi var. Laborator analizlər Qida Təhlükəsizliyi Agentliyində aparıldıqdan sonra yekun cavab veriləcək. Biz də davamlı şəkildə ərazini nəzarətdə saxlamaqla bu xəstəliyə qarşı metodiki tapşırıqlarımızı, tövsiyələrimizi verəcəyik. Xəstəlik Siyəkü ərazi nümayəndəliyində bir neçə kənddə - Vaqo, Təxtənəkəran kəndlərində 200-300 hektar sahəni əhatə edir".
Nəzrin Abbaszadə
Emtv.az