SON DƏQİQƏ

Azərbaycanlı iş adamı Araz Ağalarova məxsus “Crocus Group” holdinq Rusiyanın “Vostoçnı” kosmodromunun tikintisində “Roskosmos”un yeni podratçısına çevrilə bilər.

Emtv.az xəbər verir ki,bu barədə RBK-ya holdinqin prezidenti A.Ağalarov məlumat verib.

“Hökumətdən müvafiq tapşırıq daxil olsa, “Crocus Group” “Roskosmos”un podratçısı ola bilər. Yaxın Şərqdə topladığımız təcrübəni - “Russkiy adası”nda Uzaq Şərq Federal Universitetinin tikintisini - o vaxt milyon kvadrat metrdən çox sahəsi olan kompleksin tikintisi üçün tələb olunan resurslara malik idik - nəzərə alsaq, bizim şirkət bu məsələni çözməyə qadirdir”, - deyə biznesmen bildirib.

“The Bell”in məlumatına görə, hazırda “Crocus”la danışıqlar davam edir. Danışıqlar müsbət nəticə versə, şirkətin ağırçəkili “Anqara” raketi üçün start kompleksini inşa edəcəyi gözlənilir.

Lahiyənin qiyməti 40 milyard rubl (təxminən 1,036,000,000 manat) qiymətləndirilir.

A.Ağalarovun holdinqinin layihəyə dəvət olunması əvvəlki baş podratçı “Kazan” İstehsalat Tikinti Birliyinin işlərə vaxtında başlamaması ilə əlaqədar olub. “The Bell”in müsahibinin sözlərinə görə, buna görə işlər növbəti dəfə ertələnməli olub.

RBK-nın “Roskosmos”a yaxın mənbəsi “Crocus” holdinqlə əməkdaşlıqla bağlı müzakirələrin getdiyini təsdiqləyib. “Crocus Group”un dövlət korporasiyasının podratçısı olma ehtimalı 90% civarında qiymətləndirilir.

“Tikintinin ilk mərhələsi ötən il yekunlaşmalı olsa da, planlaşdırılan obyektlərin yalnız dörddə bir hissəsinin tikintisi başa çatıb”, - deyə Rusiya baş naziri Dmitri Medvedev yanvar ayında bildirmişdi.

Qeyd edək ki, “Crocus Group” Rusiyada başlıca olaraq ticarət və sərgi komplekslərinin tikintisi və istismarı üzrə ixtisaslaşıb.

Habelə son illər A.Ağalarov məsuliyyətli dövlət sifarişlərini də qəbul edir. 2013-cü ildə “Crocus Group” “Russkiy adası”nda Uzaq Şərq Federal Universitetinin tikintisini həyata keçirib, daha sonra Kalininqrad və Rostovda futbol üzrə dünya çempionatı üçün stadionlar tikib.

Nəzrin Abbaszadə
Emtv.az