SON DƏQİQƏ

Emtv.az xəbər verir ki,bu barədə yerli mətbuata həmin avtobusda olan sərnişinlər məlumat veriblər.

Sərnişinlər bildirib ki, bu səhər Sabunçu dairəsi yaxınlığında 163 nömrəli avtobusun təkəri qəfil buraxıb. Avtobus qəzaya düşmək təhlükəsi ilə üzləşib.

“Bu hadisədən sərnişinlərin bir neçəsini halı pisləşdi. Sürücü güc-bəla ilə avtobusun idarəsini bərpa edə bildi. Hərəkətin sıx olduğu bu ərazidə avtobusun qəza törətməməsi an məsələsi idi. Sərnişinlər çox yaxşı qurtardı”, – deyə onlar bildiriblər.

Sərnişinlər qeyd ediblər ki, səhər xəttə çıxarkən 163 nömrəli avtobusun sürücüsü mexanikə avtomobildə nasazlıq olduğunu deyib: “Lakin mexanik avtobusda ciddi problem olmadığını, xəttə çıxmağın mümkünlüyünü bildirib. Üzləşdiyimiz bu hadisə göstərdi ki, xəttə buraxılan avtobuslara ciddi nəzarət yoxdur”.

Sərnişinlər Bakı Nəqliyyat Agentliyindən bu avtobus marşrutu ilə bağlı tədbirlər görülməsini xahiş edirlər.

Nəzrin Abbaszadə
Emtv.az